ބޮލީވުޑްގެ ޒުވާން ދެ ތަރިންކަމުގައިވާ ޓައިގާ ޝްރޮޕް އާއި ދިޝާ ޕަޓާނީގެ ލޯބީގެ ގުޅުން ނިމުމަކަށް އައިސްފައިވާ ކަމަށް ދެކެވޭ ވާހަކަ ތަަކަކީ ހަގީގަތެއް ނޫންކަމަށް ޕިންކް ވިލާއިން ބުނެފިއެވެ.
މިދިއަ ހަފްތާގައި އެންމެ ބާރަށް ދެކެވެމުން ދިޔަ އެއް ވާހަކައަކީ ލޯބި މިޖޯޑުގެ، ލޯބީގެ ގުޅުމުގައި ފުލްސްޓޮޕް ޖެހުނު ޚަބަރެވެ. އަދި ހަމަ އެއާ ވިދިގެން ޓައިގާ ހަޔާތަށް އިތުރު ލޯބިވެރިއަކު އައިސްފައިވާ ކަމަށްވެސް ޚަބަރު ފެތުރިގެން ދިއައެވެ. ބޮލީވުޑަށް ތައާރަފް ވުމުގެ މާކުރިންވެސް އެދެމީހުންނަކީ ދެލޯބިވެރިންނެވެ. އަދި ގިނަބަޔަކަށް އެ ޖޯޑު ވަރަށް ކަމުދެއެވެ.
ނަމަވެސް ދިޝާގެ އެންމެ ފަހުގެ ފިލްމް "އޭކް ވިލަން ރިޓާންސް"ގެ ޕްރޮމޯޝަން ގައި އުޅުނު ދުވަސްވަރުގައި އޭނާ އާއި ޓައިގާ ރުޅިވި ޚަބަރު ފެތުރެން އެންމެ ބޮޑަށް މެދުވެރިވި އެއް ސަބަބަކީ ދިޝާ އާއި ޓައިގާ އެކުގައި އެއްވެސް ވަރަކަށް ނުފެނުމެވެ. އަދި ޓައިގާގެ ގެޔަށް ދިޝާ ގޮސް އުޅޭތަން ވެސް ނުފެނުމެވެ.
ދިޝާ އަކީ ގިނަ ވަގުތު ޓައިގާގެ ގޭގައި ހޭދަކުރާ މީހެކެވެ. އަދި ޓައިގާގެ އިތުުރުން އެ އާއިލާއާ ވެސް ގުޅުން ބޮޑު ތަރިއެކެވެ. ނަމަވެސް އޭނާ ބިޒީ ކަމުން ކުރިން ޓައިގާ އާއެކު އުޅޭގޮތަށް ނޫޅެވުނީ ކަމަށް ޕިންކް ވިލާއިން ވަނި ބުނެފައެވެ.
އަދި އެމީހުން އެއްވެސް އިރެއްގައި ރުޅި ނުވާ ކަމަށާއި އެދެމީހުންގެ ލޯބި ދަނީ ކުރިއަށް ކަމަށާއި، ވަކި ނުވާ ކަމަށް ވެސް ވަނި ބުނެފައެވެ.
