އިރާގުގައި ނުފޫޒުގަދަ ދީނީ އިލްވެރިޔާ މުއްތަގާ އަލް ސަދުރަށް ތާއީދުކުރާ ފަރާތްތަކުން އެގައުމުގެ ގާނޫނުހަދާ މަޖިލިހަށް ވަދެއްތައް އެތަން ހިސޯރު ކޮށްފިއެވެ. މިއީ ފާއިތުވެދިޔަ ދެ ހަފްތާތެރޭގައި މުއްތަގާ އަލް ސަދުރަށް ތާއީދުކުރާ ފަރާތްތަކުން ގާނޫނުހަދާ މަޖިލިސް ހިސާރުކުރި ދެވަނަ ފަހަރެވެ.
އަލް ސަދުރަށް ތާއީދުކުރާ ފަރާތްތަކުން، ގްރީން ޒޯންގައި ހުންނަ ގާނޫނުހަދާ މަޖިލިހަށް ވަދެގަނެ މުޒާހިރާ ކުރަމުންދަނީ، އިރާގުގެ ބޮޑުވަޒީރުކަމަށް ނަން ހުށަހަޅާފައިވާ، އިރާނުގެ ތާއީދުއޮތް ވާދަވެރި ކެނޑިޑޭޓް އެގައުމުގެ ބޮޑުވަޒީރުކަމަށް އައުމާ ދެކޮޅު ހެދުމުގެ ގޮތުންނެވެ.
މުޒާހިރާކުރާ ފަރާތްތަކުން ގާނޫނުހަދާ މަޖިލިހަށް ވަދެގަނެ ހިނގި ހަމަނުޖެހުންތަކުގައި 120 މީހަކަށް ވަނީ އަނިޔާވެފައެވެ.
ފާއިތުވެދިޔަ އަހަރުގެ އޮކްޓޯބަރުމަހު އިރާގުގައި ބޭއްވުނު އާންމު އިންތިޚާބުގައި އެންމެ ގިނަ ގޮނޑި ކާމިޔާބު ކޮށްފައިވަނީ ސަދުރުގެ ބްލޮކުންނެވެ. އެހެންނަމަވެސް ސިޔާސީ މަރުތަޅު އެޅި، ގާނޫނުހަދާ މަޖިލިސް ކުރިޔަށް ގެންދެވޭ ގޮތް ވެފައި ނުވާތީ އެ ބްލޮކަށް ގާނޫނުހަދާ މަޖިލިހުގެ ބާރު ހޯދިފައެއް ނުވެއެވެ.
މުޒާހިރާކުރާ ފަރާތްތަކުން ގާނޫނުހަދާ މަޖިލިހުގެ ތެރެއަށް ވަދެއްގަތުމާއި ގުޅިގެން މަޖިލިހުގައި ހިމެނޭ އެންމެ ނުފޫޒުގަދަ ޝީޢިން އިސްކޮށް ތިބެގެން އެކުލަވާލާފައިވާ ކޯޑިނޭޝަން ފްރޭމްވާކުގެ ފަރާތުންވަނީ ސުލްހަވެރިކަމާއެކު މުޒާހިރާ ކުރުމަށް އެންމެހާ ފަރާތްތަކަށް ގޮވާލާފައެވެ.
"ދައުލަތާއި، ގާނޫނީ މުވައްސަސާތަކާއި، އަދި އާންމު މަސްލަހަތަކީ އެއީ ދަމާލެވިފައިވާ ރަތް ރޮންގެއް،" ކޯޑިނޭޝަން ފްރޭމްވާކުއިން ބުނެފައި ވެއެވެ.
އިރާގުގެ ހެލްތު މިނިސްޓްރީން ބުނެފައިވަނީ މި ހަމަނުޖެހުންތަކުގައި 100 ވަރަކަށް މީހުންނަށް އަނިޔާ ވެފައިވާކަމުގައެވެ. މީގެރެއިން 25 މީހުންނަކީ ސަލާމަތީ ކަންކަން ބެލެހެއްޓުމުގައި ހަރަކާތްތެރި ވަމުންދިޔަ މީހުންނެވެ. އަނިޔާވި އިތުރު 6 މީހަކު އޮތީ ސީރިއަސް ހާލަތުގައެވެ.
ކޮމެންޓު ފޮނުވާ