ދިވެހިންނަކީ މިނިވަންކަން ހޯދުމަށް އަދި ދެމެހެއްޓުމަށް ޤުރުބާންވާ ބައެއްކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.

މިއަދު ފާހަގަކުރާ 57 ވަނަ މިނުިވަންދުވަހާއި ގުޅުގެން ދުވަހުގެ ތަހުނިޔާ ވިދާޅުވެ ކުރެއްވި ޓްވީޓްގައި ރައީސް ނަޝީދު ވިދާޅުވީ ދިވެހިންނަކީ އަބަދުމެ މިނިވަންކަމަށް ލޯބިކުރާ ބައެއްކަމަށެވެ. އެ މިނިވަންކަން ހޯދުމާއި އަދި ދެމެހެއްޓުމަށް ޤުރުބާންވާބައެއްކަމަށާއި، މިގޮތް އަޅުގަނޑުމެން ދިވެހިން ދުލެއް ނުކުރާނެކަމަށް ރައީސް ނަޝީދު ވިދާޅުވިއެވެ.

Dhivehinakee abadhume minivankamah loabi kuraa baeh. E minivankan hoadhumah adhi dhemehettumah gurubaanvaa baeh. Mi goiy alhugadumen Dhivehin dhuleh nukuraane. Enme Dhivehinnah minivan dhuvahuge thahniya

— Mohamed Nasheed (@MohamedNasheed) July 26, 2022

ރާއްޖޭގެ މިނިވަން ދުވަހާއި ގުޅިގެން ރައީށް ނަޝީދު މިހެން ވިދާޅުވެފައިވާއިރު ރައީސް އިބްރާހީމް މުޙައްމަދު ޞާލިޙް މިއަދު ޤައުމާއި މުޚާޠަބުކުރައްވާ ވަނީ ދިވެހި ދައުލަތުގެ އެންމެ އިސް ޒިންމާއަކީ ގައުމުގެ އަމިއްލަ ވެރިކަމާއި މިނިވަންކަން ދެމެހެއްޓުން ކަމަށާއި، ސަލާމަތީ ބާރުތަކުގެ ރެއާއި ދުވާލު ކެނޑިނޭޅި ކުރައްވަމުން ގެންދަވަނީ އެ މަސައްކަތް ކަމަށް ވިދާޅުވެފައެވެ.

މިއަދު ގައުމާ މުޚާތަބުކުރައްވާ ވާހަކަ ދައްކަވަމުން ރައީސް ވިދާޅުވެފައިވަނީ ފާއިތުވެދިޔަ އަހަރުގެ މިނިވަން ދުވަސް ދިވެހިންނާއި ބައްދަލުކުރި އިރު ހާލަތު ވަރަށް ތަފާތުކަމަށާއި، ކުރިމަތިވަމުން އިޖުތިމާއީ ދަތިތަކާއި ކުރިމަތިވަމުންއައި އިގްތިސާދީ ގޮންޖެހުންތައް ގިނަ ކަމަށެވެ. އެހެންނަމަވެސް ކޯވިޑްގެ ދެ އަހަރަށްފަހު އިރާދަފުޅުން މިއަދު އެ ހާލަތު ބަދަލުވަމުންދާ ކަމުގައި ރައީސް ވިދާޅުވިއެވެ.

ރައީސް ވިދާޅުވީ މިއީ ދިވެހި ރައްޔިތުން ދެއްކެވި އެބައިވަންތަ ނަމުނާގެ ހެޔޮ ނަތިޖާ ކަމުގައެވެ.