ދިވެހި ފަސްގަނޑުގައި ބޭރު ސިފައިން އެބަތިބިކަމަށް ވިދާޅުވެ މިނިވަންކަމަކީ ކޮބައިތޯ ގުރައިދޫ ދާއިރާގެ މެންބަރު މުޙައްމަދު ޣައްސާން މައުމޫން ސުވާލުކުރައްވައިފިއެވެ.
މިއަދު ފާހަގަކުރަމުންދާ މިނިވަން ދުވަހާއި ގުޅިގެން ޣައްސާން ވަނީ މިނިވަންކަމާއި ގުޅޭގޮތުން ސުވާލު އުފައްދަވާފައެވެ. ޣައްސާން ވިދާޅުވީ ދިވެހި ފަސްގަނޑުގައި ބޭރު ސިފައިން އެބަތިބިކަމަށާއި، ޚާރިޖީ ސިޔާސަތުގެ ސަމުގާ އުތުރަށް ހުއްޓިފައިވާކަމަށެވެ. ޚިޔާލުފާޅުކުރުމުގެ ހައްގު ހަނިކޮށްފައިވާކަމަށާއި، އެއްވުން މަނާކަމަށް ޣައްސާ ސިފަކުރެއްވިއެވެ.
ޣައްސާންީ ވަނީ ހަގީގީ ނޫސްވެރިކަން ހުއްޓުވައިފިކަމަށާއި، ރައްޔިތުންގެ އަމިއްލަ އެކައުންޓުން ބޭރު ފައިސާ ޚަރަދުކުރުން ތާށިކޮށްފިކަމަށް ވިދާޅުވެ މިނިވަން ކަމަކީ ކޮބައިތޯ ސުވާލުކުރައްވާފައެވެ.
Dhivehi fasganduga beyru sifain eba thibi. Khãrijy siyãsathuge samuga uthurah huttifa. Hiyãlfãlhu kurumuge haggu hani koffi. Evve ulhun manã. Hagygy noosverikan huttuvaifi. Rayithunge amilla account in beyru faisa haradhu kurun thãshi koffi. Minivan kamaky Koba ba?
— Mohamed Ghassan Maumoon (@mgmaumoon) July 25, 2022
ޣައްސާން މިހެން ވިދާޅުވެފައިވާއިރު، އިދިކޮޅުން އެންމެ ބޮޑަށް ސަރުކާރަށް ކުރާ ޕްރެޝަރަކީ ރާއްޖޭގައި އިންޑިއާގެ އަސްކަރީ ސިފައިން ތިބިކަމަށް ބުނާ ބުނުމެވެ. އެގޮތުން ރާއްޖޭގެ އެކި ސަރަހައްދުތަކުގައި އިންޑިއާ ސިފައިން ތިބިކަމަށާއި، އިންޑިއާގެ ނުފޫޒް ރާއްޖޭގެ ދާޚިލީ ކަންކަމަށް ފޯރުވާކަމަށް އިދިކޮޅުން ތުހުމަތުކުރެއެވެ.
އިދިކޮޅުން ގެންދަނީ ރާއްޖޭގައި ތިބި އިންޑިއާ ސިފައިން ޤައުމުން ބޭރުކުރުމަށް ގޮވާލާ އިންޑިއާ އައުޓްގެ ނަމުގައި ކެމްޕެއިން ހަރަކާތެއް ހިންގަމުންނެވެ. ނަމަވެސް ރައީސްގެ ޚައްޞަ ޤަރާރަކުން ވަނީ އެއީ ޤައުމީ ސަލާމަތަށް ހުރި ނުރައްކަލެއްކަމަށް ނިންމަވާ އެ ހަރަކާތް ހުއްޓުވުމަށް އިދާރާތަކަށް ޢަމުރުކުރައްވާފައެވެ.
ކޮމެންޓު ފޮނުވާ