މިނިވަން ދުވަހުގެ މުނާޞަބަތުގައި ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމް ފުރަތަމަ ފަހަރަށް ދިވެހި ބަހުން ޓްވީޓެއް ކުރައްވައިފިއެވެ.
މިއަހަރުގެ މެއި މަހުގެ ޓްވިޓާ އެކައުންޓް ބޭނުންކުރަން ފެށްޓެވި ރައީސް ޔާމީން މިހާތަނަށް މުޅިންވެސް ޓްވީޓްކުރައްވަމުން ގެންދެވީ އިނގިރޭސިބަހުންނެވެ. އެގޮތަށް އެމަނިކުފާނު ޓްވީޓްކުރައްވަނީ ޤައުމުގެ ހާލަތު ބޭރުގެ ފަރާތްތަކަށް ހާމަކޮށްދިނުމަށްކަމަށް ވިދާޅުވެފައިވެއެވެ.
މިނިވަން ދުވަހުގެ މުނާޞަބަތުގައި ރައީސް ޔާމީން ފުރަތަމަ ފަހަރަށް ދިވެހި ބަހުން ކުރެއްވި ޓްވީޓްގައި ދުޢާކުރައްވާފައިވަނީ މިނިވަންކަންމަތީ ދިވެހިރާއްޖެ އަބަދަށްމެ ލަހައްޓަވައި، ޚާއިނުން ބަލިކަށިކުރެއްވުމަށެވެ. އަދި ރާއްޖެއަށް އުފާ ފާގަތިކަން މިންވަރު ކުރެއްވުމަށް ދުޢާކުރައްވާފައިވެއެވެ.
މިނިވަންކަންމަތީ ދިވެހިރާއްޖެ އަބަދަށްމެ ލަހައްޓަވާށި.ޚާއިނުން ބަލިކަށިކުރައްވާށި.ގައުމަށް އުފާ ފާގަތިކަން މިންވަރު ކުރައްވާށި.އާމީން
— Abdulla Yameen (@prz_ymn) July 26, 2022
ރައީސް ޔާމިން މިއަހަރުގެ މޭމަހުގެ 4ވަނަ ދުވަހު އަލަށް ޓުވިޓަރ ބޭނުން ކުރައްވަން ފައްޓަވާފައި ވާއިރު، އެއަށްފަހު މުޅިންވެސް ޓުވީޓު ކުރައްވަމުން ގެންދެވީ އިނގިރޭސި ބަހުންނެވެ. އަދި ޓުވިޓައަކީ ދިވެހިބަނުންވެސް ޓުވީޓު ކުރެވޭ ސޯޝަލް މީޑިއާ ޕްލެޓްފޯމަށް ވާއިރު، ދިވެހި ބަހުން ޓުވީޓު ނުކުރައްވާތީ ރައީސް ޔާމިންއަށް ގިނަ ބައެއް ފާޑުކިއުންވެސް ވަނީ އަމާޒުވެފައެވެ.
ބައެއް ފަރާތްތަކުން ފާހަގަ ކޮށްފައިވަ ގޮތުގައި، ގައުމީ ލޯބި ފާޅުކޮށް، އަބަދު ވަތަނީ ލޯބި ރަމްޒުވާގޮތަށް ރައީސް ޔާމިން ޓުވީޓު ކުރައްވާއިރު ދިވެހިބަހުން ޓުވީޓު ނުކުރެއްވުމަކީ ދެކޮޅު ޖެހޭކަމެއް ނޫންކަމުގައެވެ.
