އެކްސެލް އެންޓަޓެއިންމެންޓުން އުފައްދާ ފިލްމަކަށް ބޮލީވުޑްގެ ރޮމޭންސް ކިންގްގެ ނަމުން މަޝްހޫރު އިމްރާން ހާޝިމީ ސޮއި ކޮށްފިއެވެ.
އިމްރާން މި ފިލްމުގައި ފެނިގެން ދާނީ އާމީ އޮފިސަރެއްގެ ގޮތުގައި ކަމަށް ރިޕޯޓްތައް ބުނެއެވެ. އެހެން ކަމަށް ވަނީނަމަ މިއީ އިމްރާން ކުޅޭ މިފަދަ ފުރަތަމަ ރޯލެވެ. އޭގެ އިތުރުން އެކްސެލް އާއިއެކު މިއީ އޭނާ މަސައްކަތް ކުރާވެސް ފުރަތަމަ ފަހަރެވެ.
"ގްރައުންޑް ޒީރޯ"ގެ ނަން ދީފައިވާ މި ފިލްމުގެ އިތުރު ތަރިން އަދި އިއުލާނެއް ނުކުރެއެވެ. ހަމަ އެހެންމެ ފިލްމާ ގުޅޭ އިތުރު މައުލޫމާތެއް ވެސް އަދި ހާމައެއް ނުކުރެއެވެ. ނަމަވެސް ފިލްމުގެ ޑައިރެކްޓަރަކީ މަރާޓީ ފިލްމުތައް ޑައިރެކްޓުކުރާ ވިޖޭ ދެއޮސްކާރު ކަމަށް ރިޕޯޓުތައް ބުނެއެވެ.
އިމްރާން ދެން އެންމެ އަވަހަށް ބެލުންތެރިންނާ ބައްދަލުކުރާނީ އަންނަ އަހަރު ފެބްރުވަރީ މަހު ރިލީޒްކުރަން ހަމަޖެހިފައިވާ ކޮމެޑީ ފިލްމު "ސެލްފީ" އިންނެވެ. އެ ފިލްމުން އިމްރާނާއެކު ފެނިގެންދާނީ އަކްޝޭ ކުމާރެވެ.
