ޒުވާން ބަތަލާ ޖާންވީ ކަޕޫރުގެ ކުރިއަށް އޮތް ފިލްމު "ގުޑް ލަކް ޖެރީ"ގެ ލަވައެއް ދައްކާލައިފިއެވެ.
ސިދާތު ސެންގުޕްތާ ޑައިރެކްޓް ކޮށްފައިވާ މި ފިލްމު ނެރުމަށް ހަމަޖެހިފައިވަނީ އަންނަ ހަފްތާގައެވެ. ފިލްމުގައި ހިމެނޭ ލަވަތަކުގެ ތެރެއިން ބެލުންތެރިންނަށް ދޫކޮށްލި ލަވަ އަކީ "ޕެރެސެޓަމޯލް"އެވެ.
މި ފިލްމަކީ ކެންސަރާ ހަނުގާރަމަ ކުރަމުންދާ މަންމަ އަކަށް ބޭސްފަރުވާ ކުރުމަށް ޑްރަގްގެ ވިޔަފާރި ފަށާ އަންހެން ކުއްޖެއްގެ ވާހަކަ ކިޔައިދޭ ފިލްމެކެވެ.
މި މަހުގެ 29 ވަނަ ދުވަހު ޑިޒްނީ ޕްލްސް ހޮޓްސްޓާ އިން ޕްރިމީއާ ކުރާ މި ފިލްމުގެ މުހިންމު ރޯލުތަކުން ދީޕަކް ޑްބްރިޔާލް، ނީރަޖް ސޫދް އަދި މީތާ ވަޝިޝްތު ފެނިގެންދާނެއެވެ.
