ޓައިގާ ޝްރޮފްގެ ކުރިއަށް އޮތް ފިލްމު "ސްކްރޫ ޑިލާ"ގެ ޓީޒާއެއް އާންމުކޮށްފިއެވެ.
މި ފިލްމް އަކީ ޑައިރެކްޓަރު ކަރަން ޖޯހަރު ގެނެސްދޭ ފިލްމެކެވެ. ފިލްމުގެ ލީޑުން ފެނިގެން ދާނީ ޓައިގާ އާއި ސައުތުގެ ތަރި ރަޝްމިކާ މަންދަނާއެވެ. ރަޝްމިކާ މަގުބޫލު ވެގެން ދިއައީ މިދިއަ އަހަރު ބޮޑު ކާމިޔާބެއް ހޯދި ފިލްމު "ޕުޝްޕާ" އިންނެވެ.
"ޕުޝްޕާ" އާއެކު ރަޝްމިކާއަށް އަނަނީ ބޮލީވުޑުން ވެސް ގިނަ ފުރުސަތު ތަކެއް ލިބެމުންނެވެ. އެގޮތުން އަމީތާބް ބައްޗަންގެ ކުރިއަށް އޮތް ފިލްމު "ގުޑްލަކް" އިން ވެސް ރަޝްމިކާ ފެނިގެން ދާނެއެވެ.
އަންނަ އަހަރު ބެލުންތެރިނަށް ގެެނެސްދޭން ތައްޔާރު ވަމުން އަންނަ ފިލްމު "ސްކްރޫ ޑިލާ" ގެ ޑައިރެކްޓަރަކީ ޝަޝާންކް ކައިތާންއެވެ. ފިލްމުގެ ބޮޑުބައެއް ނެގުމަށް ހަމަޖެހިފައިވަނީ ޔޫރަޕުގައިއެވެ.
ވަރުގަދަ އެކްޝަން މަންޒަރުތަކެ ފެނިގެންދާނެ މި ފިލްމަކީ ޓައިގާ އާއި ރަޝްމިކާގެ ޖޯޑު އެކުގައި ފެނިގެންދާ، އަދި ޝަޝާންކް އާއި އެކުގައި އެމީހުން މަސައްކަތް ކުރާ ވެސް ފުރަތަމަ ފިލްމެވެ.
ކޮމެންޓު ފޮނުވާ