ސްރީލަންކާއަށް ކުރިމަތިވެފައިވާ އިޤްތިޞާދީ ކާރިސާއާ ގުޅިގެން އެ ޤައުމުގެ ސަރުކާރާ ދެކޮޅަށް އަޑުއުފުލުމަށް ވެރިރަށް ކޮލަމްބޯގައާއި އެނޫޏް ސަރަހައްދުތަކުގައި ބޮޑެތި މުޒާހަރާތައް ފެށިއްޖެއެވެ.
މިއަދުގެ މުޒާހަރާތައް ދުރާލައި ބާއްވާނެކަން އިއުލާން ކުރި ހިސާބުން ލަންކާ ސަރުކާރުންވަނީ ކާފިއު އިއުލާންކޮށްފައެވެ. ނަމަވެސް މިއީ ޢައިރު ޤާނޫނީ ކާފިއުއެއްކަން ޤާނޫނީ ވަކީލުންނާއި، ސިޔާސީ އިސްބޭފުޅުން ވިދާޅުވެ، ކުރިމަތިވި ބޮޑެތި ފިއްތުންތަކާއިކު ސަރުކާރަށް މަޖުބޫރުވީ ކާފިއު އުވާލާށެވެ.
މުޒާހަރާތަކާއި ގުޅިގެން ލަންކާގައި ދަތުރުފަތު ކުރުމަށާއި، އާންމު އެކި ކަންކަންވެސް މިއަދު ވަނި ހުއްޓުމަކަށް އައިސްފައެވެ. މި މުޒާހާރާގައި އާންމު ރައްޔިތުންގެ އިތުރުން ގައުމުގެ ނަގާކިޔާ އެތައް ބަޔަކު ބައިވެރިވެއެވެ. އޭގެ ތެރޭގައި ސިޔާސީ ބޭފުޅުންނާއި ދީނީ ލީޑަރުންނާއި ހައްގުތަކަށް ވަކާލާތުކުރާ އިސް އެކްޓިވިސްޓުން ވެސް ހިމެނެއެވެ.
މި މުޒާހަރާތައް ރޫޅާލުމަށް ފުލުހުން ވަނީ ބާރުގެ ބޭނުންކޮށްފައެވެ. އަދި، މުޒާހަރާތައް ރޫޅާލާފައިވަނީ ކަރުނަ ގޭސް ބޭނުން ކޮށްގެންނެވެ. މުޒާހަރާ ރޫޅާލިނަމަވެސް އަނެއްކާވެސް އެކި ސަރަހައްދުތަކަށް އެއްވެ ދަނީ ރައީސް ގޯޓާބަޔާ އިސްތިއުފާ ދިނުމަށް ގޮވާލާމުންނެވެ. އަދި އޭނާ އިސްތިއުފާ ނުދެނީސް މިއަދުގެ މުޒާހަރާތައް ހުއްޓާ ނުލާނެކަމަށް ވަނީ ބުނެފައެވެ. ސްރީލަންކާގެ ބޭރު ފައިސާގެ ރިޒާވް ހުސްވުމުގެ ސަބަބުން އެ ޤައުމުގެ ރައްޔިތުންނަށް ބޭނުންވާ ޒަރޫރީ ސާމާނު ފޯރުކޮށްދޭން އެ ޤައުމުގެ ސަރުކާރު ވަނީ ނުކުޅެދިފައެވެ.
މުޒާހަރާއާއި ބައެއް ފުލުހުންވެސް ދަނީ ގުޅެމުންނެވެ. މުޒާހަރާ ބޮޑުވުމުގެ ކުރިން އިއްޔެ ވެސް އާންމުންނާއި ފުލުހުންނާ ދެމެދު ކުރިމަތިލުންތައް ހިނގާފައި ވާތީ މިއަދު ވެސް ބޮޑެތި ހަމަނުޖެހުންތަކެއް ހިނގާނެ ކަމަށް ވަނީ ބެލެވިފައެވެ. ލަންކާގެ ހުރިޙާ ހިސާބެއްގައި ސަލާމަތީ ބާރުތަކުން ތިބީ ތައްޔާރީ ހާލުގައެވެ.
Police officer joins protesters in Maharagama pic.twitter.com/1rdWDcyc6Y
— NewsWire 🇱🇰 (@NewsWireLK) July 9, 2022
އެ ޤައުމުގައި ޢާންމު ރައްޔިތުންނަށް ތެޔޮ ވިއްކުން ހުއްޓައިލާފައިވާ އިރު، ކާބޯތަކެތި ހޯދުމަށް ވެސް އެ މީހުންނަށް ވަނީ ހުރަސްތައް ކުރިމަތިވެފައެވެ. އަދި، ތަކެތީގެ އަގު އިންތިހާއަށް އުފުލިފައި ވާއިރު، ކަރަންޓުގެ ޚިދުމަތް މެދުކެނޑުން މި ވަނީ ޢާންމު ކަމަކަށް ވެފައެވެ. މިއީ، ސްރީލަންކާގެ ބޮޑުވަޒީރު ގޮތަބަޔާ ރާޖަޕަކްސަގެ ސަރުކާރުގެ ނާގާބިލު ކަމުން އެ ޤައުމަށް ކުރިމަތިވި ކާރިސާއެއްގެ ގޮތުގައި އެ ޤައުމުގެ ގިނަ ރައްޔިތުން ދެކެއެވެ.
Today people are using what ever the possible means that are available, to gather at the protest site in Galle Face. Tipper lorry to container, everything is utilized. #SriLanka pic.twitter.com/rr3P4NIWjy
— Kavinthan (@Kavinthans) July 9, 2022
ރާޖަޕަކްސަ ވިދާޅުވީ، ސްރީލަންކާގެ ރައްޔިތުންނަށް އޮޅުވައިލައި ނުރަނގަޅު މަޢުލޫމާތު ދިނުމަށް ސަރުކާރާ ދެކޮޅު ފަރާތްތަކުން މަސައްކަތް ކުރަމުންދާ ކަމުގައެވެ. އަދި، ކުރިއަށް އޮތް މަދު ދުވަސްކޮޅެއްގެ ތެރޭގައި އެ ޤައުމަށް ބޭނުންވާ މުދަލާއި އެހެނިގެން ސާމާނު ލިބޭނެ ކަމަށް ރާޖަޕަކްސަގެ އޮފީހުން ނެރުނު ބަޔާނެއްގައި ބުނެފައިވެއެވެ.
މުޒާހަރާތަކާ ގުޅިގެން ކޮލަމްބޯގައި ސަލާމަތީ ފިޔަވަޅުތައް ވަނީ ވަރުގަދަކޮށްފައެވެ. މި ގޮތުން، ސިފައިންނާއި ފުލުހުންގެ މައްޗަށް އެކުލެވިގެންވާ 3,000 އަށްވުރެ ބޮޑު ފައުޖެއް އަމަން ބެލެހެއްޓުމުގައި ހަރަކާތްތެރިވަމުންދާ ކަމުގައި ފުލުހުން ބުނެއެވެ. މުޒާހަރާތައް ރޫޅައިލުމަށް ފުލުހުން ބާރުގެ ބޭނުން ކުރާތީ އ.ދ.ގެ އިންސާނީ ހައްޤުތަކާ ބެހޭ އިދާރާއިން ވަނީ ކަންބޮޑުވުން ފާޅުކޮށްފައެވެ.
