ޢީދު ބަންދުގައި ރާއްޖޭގެ މޫސުން ގޯސްވާނެކަމަށް މޫސުމާއިބެހޭ ޤައުމީ އިދާރާއިން ލަފާކޮށްފިއެވެ.
އެ އިދާރާއިން ބުނީ، ޙައްޖު އަދި ޢީދު ދުވަހު ރާއްޖޭގެ ބައެއް ސަރަޙައްދުތަކަށް މޫސުން ވަރަށް ގޯސްވެދާނެކަމަށް ލަފާކުރެވޭކަމަށެވެ. ބޮޑު ޗުއްޓީއާއި ދިމާކޮށް ދަތުރުފަތުރުކުރުން އވަނީ ވަރަށް ބޮޑަށް އިތުރުވެފައެވެ. ޚާއްޞަކޮށް އީދު ބަންދަށް ގިނަބަޔަކު ރަށްރަށް ދަނީ ދަތުރުކުރަމުންނެވެ.
މެޓު އޮފީހުން ބުނީ ކުރިއަށް އޮތް ދެ ދުވަހަގެ މޫސުން ގޯސްވާނެކަމަށާއި، ހުކުރު އަދި ހޮނިހިރު ދުވަހު ވިއްސާރަ ވުމުގެ އިތުރުން ކަނޑުތައްވެސް ގަދަވާނެކަމަށެވެ.
މިއަދުވެސް ރާއްޖޭގެ އެކި ހިސާބުތަކަށް ވިއްސާރަކޮށް ބައެއް ރަށްތަކަށް ގުގުރުން އެކަށީގެންވެއެވެ. އާއްމުކޮށް ވައިގެ ބާރުމިން ހިންނާނީ 8 މޭލާއި 18 މޭލާ ދެމެދުހައި ނަމަވެސް، ވިލާގަނޑުގައި ގަޑިއަކު 40 މޭލަށް ވައި ގަދަވުން އެކަށީގެންވެއެވެ. އުތުރާއި މެދުރާއްޖެތެރެއަށް ކަނޑުތައް ގަދަވާނެއެވެ. އަދި ވިލާގަނޑުގައި ހުރިހާ ހިސާބަކަށްވެސް ގަދަވާނެއެވެ. ރާޅުގެ އުސްމިން ހުނާނީ 3 ފޫޓާއި، 6 ފޫޓާ ދެމެދުގެ އުސްމިނުގައެވެ.
މޫސުން ގޯސްވުމުގެ ސަބަބުން މެޓް އޮފީހުން ދަނީ އެލަރޓްތައްވެސް ނެރެމުންނެވެ. އެލަރޓްގެ ވަގުތުތަކުގައި ކަނޑު ދަތުރުތައް ނުކުރުމަށް ފުލުހުންނާއި، ކަމާ ގުޅުންހުރި ފަރާތްތަކުން އަންނަނީ އިލްތިމާސްކުރަމުންނެވެ. މޫދުން ގޯސްވެ މިދިޔަ ހަފްތާ ބަންދުގައިވެސް ކަނޑުމަތީގެ ނުރައްކާތެރި ގިނަ ޙާދިސާތަކެއް ހިނގާފައިވެއެވެ.
