މި އަހަރުގެ އަޟްޙާ ޢީދުގައި ރާއްޖޭގެ 18 ރަށެއްގައި ހަވާ އެރުވުމަށް ހަމަޖެހިފައިވާކަމަށް އެމްއެންޑީއެފްއިން ބުނެފިއެވެ.
އެމްއެންޑީއެފްއިން ބުނެފައިވަނީ މި އަހަރުގެ އަޟްޙާ ޢީދުގައި އެމްއެންޑީއެފްގެ ފަރާތުން އެއްވެސް ރަށެއްގައި ހަވާއެރުމުގެ އިންތިޒާމު ހަމަޖެހިފައެއް ނުވާކަމަށެވެ. އެހެންނަމަވެސް، ވިޔަފާރި އުސޫލުން ހަވާ އެރުވުމަށް 18 ރަށަކުން ވަނީ އެމްއެންޑީއެފް ސިފްކޯގައި އެދިފައިވާކަމަށެވެ.
މިގޮތުން ސިފްކޯގައި ހަވާއެރުވުމަށް އެދިފައިވާ 18 ރަށަކީ ހއ.ބާރަށް، ހއ.ދިއްދޫ، ހއ.ވަށަފަރު، ނ.ވެލިދޫ، ނ.ހޮޅުދޫ، ނ.ފޮއްދޫ، ރ.މާކުރަތު، ބ.ފުޅަދޫ، ބ.ދަރަވަންދޫ، ބ.އޭދަފުށި، ކ.ދިއްފުށި، ކ.ގުރައިދޫ، ކ.ހިއްމަފުށި، ކ.ގާފަރު، އއ.ތޮއްޑޫ، އއ.އުކުޅަސް، ގދ.ފިޔޯރީ، އަދި ސ.ހިތަދޫއެވެ.
ތަފާތު މުނާސަބަތުތަކާ ގުޅުވައިގެން މާލެއާއި މާލޭން ބޭރުގައިވެސް ހަވާއެރުވުމުގެ ހަރަކާތްތައް ކުރިއަށް ގެންދެއެވެ. މިކަން ކުރަނީ އެމްއެންޑީއެފްގެ ބެލުމުގެ ދަށުންނެވެ.
