އެކި މީހުން ނިދަނީ އެކި ގޮތަށެވެ. ބައެއް މީހުން ބަންޑުން ބައެއް މީހުން އުއްޑުން ބައެއް މީހުން ކުރު ގެޅިގެން އަދި މިނޫން ވެސް ގޮތް ގޮތަށް ނިދާ މީހުން އުޅެއެވެ.

މީހާ ނިދާ ގޮތުން އެއީ ކޮންކަހަލަ މީހެއް ކަން ދެނެގަނެއެވެ. ތަފާތު 'ޕޮޒިޝަން' ތަކަށް ނިދާމީހުންގެ ތަފާތު މިޒާޖުތައް ހުންނަ ކަމަށް ދިރާސާ ތަކުން ދައްކައެވެ.

އެއް އަރިއަށް ކުރުގެޅިގެން ނިދާނަމަ އެމީހާ އަކީ ލޯބި ބޭނުންވާ އަދި އަޅާލުން ބޭނުންވާ މީހެއް ކަމުގައި ބުނެވެއެވެ. މީ ބޮޑެތި މީހުންގެ އިތުރުން ކުޑަކުދިންވެސް ވަރަށް ގިނައިން ނިދާ ގޮތެކެވެ.

އެއް ފަރާތަކަށް މީހާ ދެމިލައިގެން އޮންނަ ނަމަ އެއީ ވަރަށް މީހުންނާ ގުޅޭ އަދި ވަރަށް ސޯޝަލް މީހެއް ކަމުގައި ބުނެވެއެވެ. މީގެ އިތުރުން މިފަދަ މީހުންނަކީ ނުދަންނަ މީހުންނަށް ވެސް އިތުބާރު ކުރާ ބައެއް ކަމުގައިވެއެވެ.

އެއްފަރާތަށް ދެފައި ދޭތެރެއަށް ބާލީހެއް ލައިގެން ނިދާ މީހުންނަކި ނިދުމުގެ އަރާމު އެންމެ ބޮޑަށް ލިބިގަންނަ މީހުން ކަމަށް ވެއެވެ. އެމީހުންނަކީ ދިރިއުޅުމުގައި ވަރަށް ބޮޑަށް ވިސްނާ ފިކުރު ކުރާ ބައެއް ކަމަށް ވެއެވެ.

ބަނޑުން ދިނާ މީހުންނަކި ވަރަށް ކޮންފިޑެންޓް ވަރަށް ކެރޭ ބައެއް ކަމަށް ވެއެވެ. އަދި ދިރިއުޅުމުގައި ރިސްކް ނަގާ ބައެއް ކަމަށްވެއެވެ.

އުއްޑުން ހަށިގަނޑު ދަމައިލައިގެން ނިދާ މީހުންނަކީ ވަރަށް މަޖާ ބައެއް ކަމަށް ބުނެއެވެ. ދިރިއުޅުމުގައި އެމީހުންނަކީ އެހެންމީހުންނާ ގުޅޭ، އަވަހަށް މީހުންނާ ރަހުމަތެރިވާ މަޖާ މިޒާޖެއްގެ ބައެއް ކަމަށް ވެއެވެ.

މިއީ ނިދަން އޮންނަ ގޮތުން މީހާގެ މިޒާޖު ދެނެގަނެވިދާނެ ގޮތެކެވެ. މިތަނުން ތިބާ ނިދަނީ ކޮން 'ޕޮޒިޝަން' އަކަށް ކަން ކޮމެންޓް ކޮށްލާށެވެ.