ސަރުކާރު ކޯލިޝަންގައި ހިމެނޭ މޯލްޑިވްސް ރިފޯމް މޫވްމަންޓް (އެމް.އާރް.އެމް) އިން އިންޑިއާއިން ދިވެހި ރާއްޖެއަށް ކަނޑައަޅާފައި ހުންނަވާ ސަފީރު މުނޫ މަހާވަރާއި ބައްދަލު ކޮށްފިއެވެ.
މިބައްދަލުވުމުގައި އެމްއާރުއެމްގެ ރައީސް ފާރިސް މައުމޫނާއި، އެޕާޓީގެ ނާއިބް ރައީސާ ނާދިރާވެސް ބައިވެރިވެ ވަޑައިގެންނެވިއެވެ. މިބައްދަލުވުމާއި ގުޅޭގޮތުން އެމްއާރުއެމްއިން ބުނެފައިވަނީ މިބައްދަލުވުމުގައި އެމްއާރުއެމްގެ ކުރިމަގާއި ގުޅޭގޮތުންނާއި، ރާއްޖޭގެ ސިޔާސީ މަސްރަހުގެ މިހާރުގެ ހާލަތައި ގުޅޭގޮތުންވެސް މަޝްވަރާ ކުރެވިފައިވާކަމަށެވެ.
MRM President @afarismaumoon and members of party leadership recently called upon Indian High Commissioner to the Maldives, H.E. @AmbMunu and discussed MRM’s vision, political situation in the Maldives and Maldives-India people to people relationship. pic.twitter.com/1hZ3HPjvgX
— Maldives Reform Movement (MRM) 🇲🇻 (@MRM_Office) June 18, 2022
މީގެ އިތުރުން މިބައްދަލުވުމުގައި އިންޑިއާއާއި، ދިވެހި ރާއްޖެއާއި ދެމެދު ޒަމާނުއްސުރެއް އޮންނަ އެކުވެރި ގުޅުމުގެ މައްޗަށްވެސް ވަނީ މަޝްވަރާ ކުރެވިފައެވެ. އެމްއާރުއެމްއިން އިންޑިއާ ސަފީރާއި ބައްދަލުކޮށްފައިވާއިރު، ދާދިފަހުން މަޖިލިސް ރައީސް މުހައްމަދު ނަޝީދުވެސް ވަނީ އިންޑިއާ ސަފީރާއި ބައްދަލު ކުރައްވާފައެވެ.
ގާތް ގާތުގައި ސިޔާސީ ޕާޓީތަކުގެ އިސްބޭފުޅުންނާއި، އިންޑިއާގެ ހައިކޮމިޝަނުން ބައްދަލުވުންތައް ބާއްވާއިރު، ކުރިއަށް އޮތް ރިޔާސީ އިންތިޚާބުގައި ސަރުކާރު ކޯލިޝަނުން ރައީސް ޞާލިހު ނެރުމަށް އިންޑިއާ ހައިކޮމިޝަނުން މަސައްކަތް ކުރަމުންދާކަމަށް ބައެއް ފަރާތްތަކުން ދަނީ ބުނަމުންނެވެ. ވެރިކަން ކުރާ ކޯލިޝަންގައި ހިމެނޭ އެއްވެސް ޕާޓީއަކުން އަދި މިހާތަނަށް ތާއީދު ކުރާނެ ވަކި ކެނޑިޑޭޓެއް އިއުލާން ކޮށްފައި ނުވެއެވެ.
ކޮމެންޓު ފޮނުވާ