މަދީނާގައި ހުންނަ އިސްލާމިކް ޔުނިވަސިޓީން އަރުވާ ޝަރަފްވެރި އެވޯޑެއް ކުރީގެ އިސްލާމިކް މިނިސްޓަރ އަދި މަޝްހޫރު ދީނީ އިލްމުވެރިޔާ ޑރ. ޝަހީމް އަލީ ސައީދަށް ލިބިވަޑައިގެންފިއެވެ.

އެއީ، މަދީނާ ޔުނިވާސިޓީގެ އިސް ދަރިވަރުންނަށް ހާއްސަކޮށް ދޭ އެންމެ ޝަރަފުވެރި އެވޯޑެކެވެ. މި އަހަރު އަލަށް ދޭން ފެށި އެ އެވޯޑް، ޝަހީމާއެކު މެލޭޝިއާ އަދި ސެނެގަލްގެ ބޭފުޅަކަށް ލިބިވަޑައިގަތެވެ. އެވޯޑާއެކު ޝަހީމަށް 50،000 ރިޔާލް (204،665ރ.) ވެސް ލިބިވަޑައިގަތެވެ.

ޑރ. ޝަހީމް ވިދާޅުވީ މިފަދަ އެވޯޑެއް ލިބުމުން ވަރަށް އުފާކުރައްވާ ކަމަށާއި މިއީ އޭނާއަށާއި ރާއްޖެ އަށް ވެސް ލިބިވަޑައިގެންނެވި ފަހުރެއް ކަމަށެވެ. މި އެވޯޑަކީ އެ ޔުނިވަސިޓީން ދަސްވެނިވުމަށްފަހު ގައުމަށާއި ބައިނަލްއަގުވާމީ މުޖްތަމައަށް އަދާކޮށްދެއްވާ ކަންކަމުގެ އަގު ވަޒަން ކުރުމުގެ ގޮތުން ދޭ ޝަރަފްވެރިކަމުގެ އެވޯޑެކެވެ.

Dr. Mohamed Shaheem Ali Saeedh, President of IOCC, has received the "Jaaizathulkhirreejeenahruhvaadhu" Alumni Leadership Award from Medina's Islamic university.

This is the highest honor bestowed for ex-students who graduated from that university. @Mohamedshaheem1 pic.twitter.com/pmMtkTyqgr

— IOCC Maldives (@IOCCMv) June 15, 2022

އިސްލާމިކް ޔުނިވާސިޓީގެ ވައިސް ޗާންސެލަރުކަމާއި ޗާންސެލަރުކަން ވެސް ކުރެއްވި މަދީނާ ޔުނިވާސިޓީން ޝަރީއާގެ ފުރަތަމަ ޑިގްރީ އަށް ކިޔަވައި ވިދާޅުވާން ފެއްޓެވީ 2001 ވަނަ އަހަރުއެވެ. އޭގެ ފަހުން މެލޭޝިއާގެ އިންޓަނޭޝަނަލް އިސްލާމިކް ޔުނިވާސިޓީން މާސްޓާސް އަދި ޕީއެޗްޑީ ހާސިލްކުރެއްވިއެވެ. އޭނާ ޕީއެޗްޑީ ތީސިސް ލިޔުއްވީ ރާއްޖޭގައި ޒަކާތުގެ ހަރުދަނާ މާލީ ނިޒާމެއް ގާއިމުކުރުމާ ބެހޭ ގޮތުންނެވެ.

ރާއްޖޭން ތައުލީމު ހާސިލު ކުރެއްވުމަށް ފަހު، ޝަހީމް މަދީނާގެ އިސްލާމިކް ޔުނިވާސިޓީގައި ކިޔަވާ ވިދާޅުވާން ފެއްޓެވީ 2000 ވަނަ އަހަރުގައެވެ. ޝަހީމް ވަނީ ދިވެހި ރާއްޖެއާއި ޕާކިސްތާނާއި މިޞްރާއި ސަޢޫދީ ޢަރަބިއްޔާގެ އިތުރުން މެލޭޝިޔާއިން ވެސް ތައުލީމު ހާސިލްކުރައްވާފައެވެ.