އިންޑިއާގެ ވެރިކަންކުރާ ޕާޓީ، ބީޖޭޕީގެ ތަރުޖަމާން، ކީރިތި ރަސޫލާ އަދި ކީރިތި ގުރުއާނަށް ފުރައްސާރަކުރި މައްސަލާގައި ކީރިތި ރަސޫލާގެ ދިފާއުގައި ގިނަ އަދަދެއްގެ ދިވެހިން އަޑުއުފުލައިފިއެވެ.
ދިވެހި ޒުވާނުން އިސްނަގައިގެން ކުރިއަށް ގެންދިޔަ މި ސައިކަލް ބުރުގައި އެތައް ސަތޭކަ ޒުވާނުން ވަނީ ބައިވެރިވެފައެވެ. ސުލްހަވެރިކަމާއިއެކު މިއަދު ހަވީދު މާލޭ ރަސްފަނުން ފެށި މިސައިކަލް ބުރުގައި މާތް ރަސޫލާއަށް ދިވެހިންގެ ހިތްތަކުގައި އޮތް ލޯބްތާއި ޝުޢޫރުވަނީ ބަންޑުންކޮށްލާފައެވެ. ސައިކަލް ބުރު ކުރިއަށް ގެންގޮސްފައިވަނީ ދެ ޖިންސު ވަކީންނެވެ. އިލްމުވެރިންނާއި ސިޔާސީ ބައެއް ބޭފުޅުންވެސް މި ސައިކަލް ބުރުގައި ބައިވެރިވެފައިވެއެވެ.
މާލޭގައި މިފަދަ ސައިކަލު ބުރެއް މި ބޭއްވީ އިންޑިއާގެ ވެރިކަންކުރާ ޕާޓީ، ބީޖޭޕީގެ އިސް ބަޔަކު ކީރިތި ރަސޫލާއަށާއި އިސްލާމް ދީނަށް ފުރައްސާރަކޮށް ވާހަކަ ދެއްކުމާ ގުޅިގެން ރާއްޖެ ހިމެނޭ ގޮތަށް ދުނިޔޭގެ އިސްލާމީ ގިނަ ގައުމުތަކަކުން އެ ކަން ވަރަށް ބޮޑަށް ކުށްވެރިކޮށްފައިވާ ދަނޑިވަޅެއްގައެވެ.
އިންޑިއާ އިން ރަސޫލާ އަށް ފުރައްސާރަކުރި މައްސަލައާ ގުޅިގެން އެ ގައުމަށް އިސްލާމީ ދުނިޔޭގެ ނުރުހުން ވަރަށް ބޮޑަށް ވަނީ އަމާޒުވެފައެވެ. އެ ގައުމުތަކުން ދެކޭ ގޮތުގައި މިއީ އިންޑިއާގެ ސަރުކާރުން ރަސްމީކޮށް މާފަށް އެދި ބަޔާން ނެރެން ޖެހޭ ވަރުގެ ކަމެކެވެ. އަދި މިކަން އާދައިގެ ގޮތަކަށް ދޫކޮށްލައިގެން ނުވާނެ ކަމަށް އެ ގައުމުތަކުން ދެކެއެވެ.
Thousands of Maldivians take to the street condemning the defamatory remarks made by BJP’s spokesperson against Prophet Mohammed (PBUH). pic.twitter.com/VzRXbwMKor
— The Maldives Journal (@MaldivesJournal) June 11, 2022
ދިވެހި ސަރުކާރުގެ ފަރާތުންނާއި ރާއްޖޭގެ ގިނަ ސިޔާސީ ޕާޓީތަކުން ވެސް ވަނީ މިކަން ކުށްވެރިކޮށްފައެވެ. ދިވެހި ސަރުކާރުން ނެރުނު ފިނި ބަޔާނުގައި ބުނެފައިވަނީ ފޮރިން މިނިސްޓްރީން ނެރުނު ކުރު ބަޔާނެއްގައި ބުނީ އިސްލާމްދީނުގެ ހަގީގީ އުސޫލުތައް ދަށްކޮށްލުމުގެ ހުރިހާ އަމަލަކާއި ރަސޫލާގެ ދަރަޖަ ދަށްކޮށްލަން ކުރާ ކޮންމެ މަސައްކަތެއް އެއްވެސް ހިފެހެއްޓުމެެއް ނެތި ކުށްވެރިކުރާ ކަމަށެވެ. އިންޑިއާގެ ބީޖޭޕީގެ އޮފިޝަލް ދެއްކި ވާހަކައާ މެދު ވަރަށް ބޮޑަށް ކަންބޮޑުވާ ކަމަށް ވެސް އެ ބަޔާނުގައި ބުންޏެވެ.
މާތް ރަސްކަލާންގެއަށް އަށްޓަކައި އަޅުގަނޑުމެން އަޅުގަނޑުމެންގެ މާތް ނަބިއްޔާ ދިފާޢުކުރަންޖެހެއެވެ. ރުޅި އަންނަން ޖެހެއެވެ. އަދި އެކަލޭގެފާނުންގެ ޙައްޤުގައި ފިޔަވަޅުތައް އެޅުމުގައި ފަހަތުފަޔަށް ބުރަވުމާ ދުރުހެލިވަން ޖެހެއެވެ. މާތް ރަސްކަލާންގެ ރުއްސެވުން ލިބޭނީ އޭރުންނެވެ. ރަސޫލާގެ ޝަފާޢަތް ޤިޔާމަތްދުވަހުން ލިބޭނީވެސް ހަމަ އޭރުންނެވެ.
