ބޭންކު އޮފް މޯލްޑިވްސްއިން ރޭކޯޑް އަދަދެއްގެ ފައިދާ ހިއްސާ ދާރުންނަށް ބެހުމަށް ނިންމައިފިއެވެ.
ރޭ ހޮޓެލް ޖެންގައި ބޭއްވުނު އެ ބޭންކުގެ އަހަރު އާންމު ޖަލްސާގައި ހިއްސާދާރުންވަނީ ހިއްސާގެ ފައިދާގެ ގޮތުގައި ބެހުމަށް ހުށަހެޅުނު ޖުމްލަ 258 މިލިއަން ރުފިޔާ ދިނުމަށް ފާސްކޮށްފައެވެ. މިއީ ހިއްސާއަކަށް 48 ރުފިޔާއެވެ.
ބޭންކު އޮފް މޯޑިވްސްއިން މިހާތަނަށް ހޯދެ އެންމެ ރަގަޅު ފައިދާއެއް 2021ވަނަ އަހަރު ހޯދާފައިވާއިރު، މިފަހަރު ބޭންކުން ބެހުމަށް ނިންމާފައިވާ ހިއްސާގެ ފައިދާއަކީ ރެކޯރޑު އަދަދެއް ކަމުގައިވެސް ބޭންކުން ހާމަ ކޮށްފައި ވެއެވެ.
ރޭ ބޭއްވުނު އަހަރީ އާންމު ޖަލްސާގައި ވާހަކަ ދައްކަވަމުން ބޭންކުގެ ސިއީއޯ ޓިމް ވިދާޅުވެފައިވަނީ، މިއަހަރު ކުރީކޮޅު އިންޓަރިމް ޑިވިޑެންޓްގެ ގޮތުގައި 13 ރުރިޔާ ބެހުމަށް ބޭންކުން ނިންމާފައި ވުމާއެކު، ރޭ ކޮންމެ ހިއްސާއަކަށް ބެހުމަށް ބެހުމަށް ނިންމާފައިވާ 48 ރުފިޔާގެ ތެރޭގައި ކުރިން ދޫކުރެވުނު އިންޓަރިމް ޑިވިޑެންޑްވެސް ހިމަނައިގެން ކަމުގައެވެ.
މީގެ ކުރިން ހިއްސާދާރުންނަށް ބެހުނު 13 ރުފިޔާ މި 48 ރުފިޔާގެ ތެރޭގައި ހިމެނޭނެ. ބޭންކުގެ ތާރީހުގައި މިއީ މިހާތަނަށް ދޫކުރެވޭ އެންމެ ބޮޑު އަދަދު.
ރޭގެ އަހަރީ އާންމު ޖަލްސާގައި ވާހަކަ ދައްކަވަމުން ސީއީއޯ ޓިމް ވިދާޅުވެފައި ވެއެވެ.
މިޖަލްސާގައި ވާހަކަ ދައްކަވަމުން ބޭންކުގެ ސީއީއޯ ވަނީ، ހީވާގި ކަމާއެކު ވަރަށް ބުރަކޮށް މަސައްކަތްކުރައްވަމުންދާ ބޭންކުގެ މުވައްޒަފުންނަށާއި ބޭންކަށް އިތުރުބާރުކުރައްވާ އެންމެހާ ހިއްސާދާރުންނާއި ކަސްޓަމަރުންނަށް ޝުކުރު އަދާކޮށްފައެވެ.
އޭނާ ވިދާޅުވި ގޮތުގައި، ކަސްޓަމަރުން އެދޭފަދަ ހިދުމަތްތަކެއް ފޯރުކޮށްދިނުމަށާއި ހިދުމަތުގެ ފެންވަރު އިތުރަށް ރަނގަޅުކުރުމަށް ބޭންކުން ދަނީ ކެނޑިނޭޅި މަސައްކަތް ކުރަމުން ކަމުގައެވެ. އަދި އޭނާ ވިދާޅުވި ގޮތުގައި، ހިއްސާ ދާރުންނަށް އެންމެ ބޮޑު ފައިދާއެއް މިއަހަރު ދެވުމަކީ ބޭންކަށް މިހާތަނަށް ހާސިލްކުރެވިފައި އެންމެ ބޮޑު ކާމިޔާބީ ކަމުގައެވެ.
ކުރިން ދޫކުރެވުނު އިންޓަރިމް ޑިވިޑެންޑް ހިމަނައިގެން 2021 ވަނަ އަހަރުގެ ޖުމްލަ ފައިދާގެ ގޮތުގައި ހިއްސާދާރުންނަށް މިއަހަރު 258 މިލިއަން ރުފިޔާ ލިބޭނެއެވެ. އަދި މީގެ އިތުރުން، ބޭންކުގެ އެންމެ ބޮޑު ހިއްސާދާރު ކަމަށްވާ ދިވެހި ސަރުކާރަށް ހިއްސާގެ ފައިދާގެ ގޮތުގައި 131 މިލިއަން ރުފިޔާގެ އިތުރުން 2021 ވަނަ އަހަރުގެ ޓެކްސްގެ ގޮތުގައި 543 މިލިއަން ރުފިޔާ ބޭންކުން ދައްކާފައި ވެއެވެ
2020 ވަނަ އަހަރު ހިއްސާގެ ފައިދާގެ ގޮތުގައި ބޭންކު އޮފް މޯލްޑިވްސްއިން ބަހާފައިވަނީ ހިއްސާއަކަށް 15 ރުފިޔާގެ މަގުން ޖުމްލަ 80.7 މިލިއަން ރުފިޔާއެވެ.
ކޮމެންޓު ފޮނުވާ