ޢަރަބިއްޔާ ސްކޫލުގެ އުސްތާޛު އައްޝައިޚް ޒަމްޒަމް ފާރިޝްގެ މުސާރައިގެ ތިންބައި ކޮށްފަ ދެބައި ޞަދަޤާތް ކުރުމަށް ނިންމައިފިއެވެ.

"އިންޑިއާ އައުޓް" ހަރަކާތް ހުއްޓުވުމަށް ރައީސް އިބްރާހިމް މުހައްމަދު ސޯލިހު ނެރުއްވި ގަރާރަށް ގޮންޖަހައި، އެ ނިންމެވުމަށް ފާޑުކިޔާފައިވާކަމަށްބުނެ ޢަރަބިއްޔާ ސްކޫލުގެ އުސްތާޛު އައްޝައިޚް ޒަމްޒަމް ފާރިޝް ވަނީ މުސާރަ ނުހިނގާގޮތަށް އެއްމަސް ދުވަހަށް ސަސްޕެންޑް ކޮށްފައި ކަމުގައި އެޑިއުކޭޝަނުން ވަނީ އަންގާފައެވެ.

ނަމަވެސް މިއަދު އެޑިއުކޭޝަނުން ވަނީ މިނިންމުމަށް ކުޑަ ބަދަލެއް ގެނެސްފައެވެ. އެގޮތުން ސަސްޕެންޝަންގައި ހުރި މަހުގެ މުސާރަ އުނިނިކުރާ ގޮތަށް ނިންމިކަން ވަނީ މިއަދު އަންގާފައެވެ. އަދި މުސާރަ ނުހިނގާ ގޮތަށް ސަސްޕެންޑްކޮށްފައިވާކަމަށް ދެންނެވުނީ އޮޅުމަކުން ކަމަށް އެޑިއުކޭޝަނުން ކުރި މެއިލްގައި ބުނެފައިވާކަމަށް ޝައިޚު ވިދާޅުވިއެވެ. ޝައިޚު ވަނީ މުސާރައިގެ 3ބައި ކޮށްފަ ދެބައި ނިސްބަތްވާ ދާއިރާއަށް ޞަދަޤާތް ކުރުމަށް ނިންމާފައއެވެ.

އަޅުގަނޑު މި މިނިންމީ އެ 30 ދުވަހުގެ މުސާރައިގެ 3ބައިކުޅަ 2ބައި އަޅުގަނޑު ނިސްބަތްވާ ދެ ރަށަށް (ތ. ކިނބިދޫ އާއި ބ. އޭދަފުށި) ޞަދަޤާތް ކުރާށެވެ. މާތް ރަސްކަލާންގެ އެކަން ޤަބޫލު ކުރައްވާށިއެވެ. އަދި މިކަމުން މިންޖު ކުރައްވާށިއެވެ.

– ޒަމްޒަމް ފާރިޝް ވިދާޅުވިއެވެ.

އަޅުގަނޑުގެ ދެ ލޯ ފަދަ ލޮބުވެތި ޢަރަބިއްޔާ ސްކޫލަށް ނުނިކުމެވޭ ހެން މުސާރަ ނުލިބޭނޭހެން ވަޒީފާއިން ސަސްޕެންޑުކުރަން ނިންމި ނިންމަށް ބަދަލު ގެނެސްފިއެވެ. މިހާރު އޮތީ މުސާރަ ހިނގާ ގޮތަށް 30 ދުވަހަށް ސަސްޕެންޑުކޮށްފައިވާ ގޮތަށެވެ. މިނިސްޓްރީގެ އީމެއިލްގައި ވިދާޅުވެފައިވަނީ މުސާރަ ????

— ZamzamFarish – ޒަމްޒަމް ފާރިޝް (@ZamzamFarish) April 24, 2022

ޢަރަބިއްޔާ ސްކޫލުގެ އެންމެ ޤާބިލް މުދައްރިސު ސަސްޕެންޑް ކުރުމުގައި ގުޅިގެން އެކަން އެސްކޫލުގެ ބެލެނެވެރިން ވަނީ ކުށްވެރިކޮށްފައެވެ. އަދި މިއަދު އެސްކޫލުގެ ބެލެނެވެރިން ވަނީ ޢަރަބިއްޔާ ސްކޫލުގެ ޙަދީޘް އުސްތާޛު އައްޝައިޚް ޒަމްޒަމް ފާރިޝް ސްކޫލަށް ނުދެވޭނެހެން އެޑިއުކޭޝަނުން ނުޙައްޤުން ސަސްޕެންޑު ކުރުމާ ގުޅިގެން އެ ސްކޫލު ދޮށުގައިޞުލްޙަވެރި އިޙްތިޖާޖެއް ކޮށްފައެވެ.

ޤާނޫނު އަސާސީން ލިބިދީފައިވާ ހައްގެއްހެ ބޭނުންކޮށް ޚިޔާލު ފާޅު ކުރުމާއި ގުޅިގެން ވަޒީފާއިން ސަސްޕެންޑް ކޮށްފައިވާތީ އެކަން ހިނގައިދިޔަ ގޮތް ޝައިޚު ޒަމްޒަމް ވަނީ ހިއްސާކޮށްފައެވެ. ޝައިޚު ވަނީ ވަޒީފާއިން ސަސްޕެންޑް ކުރަންޖެހުނު ކަމަށްބުނެ އެޑިއުކޭޝަނުން ވިދާޅުވާ ޓުވީޓުވެސް ހިއްސާކޮށްފައެވެ. އެޓުވީޓުގައި ވިދާޅުވެފައިވަނީ ޤާނޫނައި ޤަވާއިދާއި ޚިލާފަށް ރާއްޖޭ އަރައިތިބި އިންޑިއާ ސިފައިން މި ޤައުމުން ބާލަން ދަމާފައިވާ ބެނާއެއް ޤައުމީ ސަލާމަތަށް ނުރައްކާވާ ސަބަބު ނުވިސްނޭކަމަށެވެ.