އެމެރިކާގެ 5 މީހުންގެ އާއިލާއަކުން، ދުނިޔޭގެ އެންމެ އިސްކޮޅުން ދިގު މީހުން ހިމެނޭ އާއިލާގެ ރެކޯޑު ގާއިމް ކޮށްފަައިވާކަން، ގިނެސް ވާރލްޑް ރެކޯޑުގެ ފަރާތުން ހާމަ ކޮށްފިއެވެ.
މި ރެކޯޑު ގާއިމް ކޮށްފައިވާ އާއިލާގެ މީހުންގެ އެވްރެޖް އިސްކޮޅަކީ 203.29 ސެންޓި މީޓަރު ނުވަތަ 6 ފޫޓު 8 އިންޗިއެވެ. އަދި މި އާއިލާގައި ހިމެނޭ އެންމެ އިސްކޮޅުން ދިގު މީހާއަކީ އެންމެ ހަނގު ފިރިހެން ކުއްޖާ އާދަމް ޓްރެޕްއެވެ. އޭނާގެ އިސްކޮޅުގައި 221.71 ސެންޓި މީޓަރު ހުންނައިރު، އެންމެ އިސްކޮޅުން ކުރީ ކުދިންގެ މަންމަ ކްރިސްޓައިން ޓްރެޕްއެވެ. އޭނާގެ އިސްކޮޅުގައި ހުންނަނީ 191.2 މީޓަރެވެ.
"އަހަރަންނަކީ، ދުނިޔޭގެ އެންމެ އިސްކޮޅު ދިގު މީހުން ހިމެނޭ އާއިލާގައި ހުރި، އިސްކޮޅުން 191.2 ސެންޓިމީޓަރުގެ އެންމެ އިސްކޮޅުން ކުރު މީހާއަށް ވުމަކީ އަހަރެން ވަރަށް އުފާވާ ކަމެއް،" މަޖަލަށް ކްރިސްޓައިން ބުނެފައި ވެއެވެ.
މި އާއިލާގެ އެންމެ ދޮށީ އަންހެން ކުއްޖާ، އުމުރުން 27 އަހަރުގެ ސަވަންނާ ޓްރަޕް ބްލެންޗްފީލްގެ އިސްކޮޅުގައި 203.6 ސެންޓި މީޓަރު ހުންނައިރު، އޭނާގެ ކޮށްކޮ، އުމުުރުން 24 އަހަރުގެ މޮލީ ސްޓީޑްގެ އިސްކޮޅުގައި ހުންނަނީ 197.26 ސެންޓި މީޓަރެވެ.
ޓްރަޕްގެ އާއިލާގެ 3 ކުދިންވެސް ކުޅިވަރު ކުޅެއެވެ. އަދި ކޮލެޖުން މި ކުދިން ހިމަނާފައިވަނީ ބާސްކެޓް ބޯޅަ ޓީމުގައާއި ވޮލީ ޓީމުގައެވެ.
ކޮލެޖުން ސަވަންނާ ހިމަނާފައިވަނި އެއްވަނަ ޑިވިޝަންގެ ބާސްކެޓް ބޯޅަ ޓީމުގައެވެ. މޮލީ ކޮލެޖުގައި ކުޅެފައިވަނީ ވޮލީ ބޯޅައެވެ. މިއާއިލާގައި ހުރި، އަދި ހަމައެކަނި ފިރިހެން ކުއްޖާ ކަމުގައިވާ އާދަމް އަކީ ހައި ސްކޫލުގައި ބާސްކެޓް ބޯޅަ ކުޅުމު ކުއްޖެކެވެ.
"އަހަރެން ގްރޭޑް 1ގައި އުޅުނުއިރު، ޓީޗަރަށްވުރެ އަހަރެން ދިގުވާނެ،" އާއިލާއިން އާންމު ކޮށްފައިވާ ބަޔާނުގައު ކުދިންގެ ބައްޕަ ސްކޮޓް ޓަރަޕް ބުނެފައިވެއެވެ.
ޓްރަޕް އައިލާގެ ހުރިހާ މެމްބަރުންނަކީ، އެމީހުންގެ އިސްކޮޅާއި ގުޅޭގޮތުން ތަފާތު ތަޖުރިބާތައް ކޮށްފައިވާ މީހުންނަށް ވިޔަސް، އެމީހުން އެންމެވެސް ކުރާ އެއް ތަޖުރިބާއެއް ވެއެވެ. "އެންމެގެ ބޯވެސް ދޮރިގެ މަތީގައި، ސީލިން ފަންކާގައި، އަދި ބޯމައްޗަށް ވާގޮތަށް ހުންނަ ހުރިހާ ބޮތްކެއްގައިވެސް ޖެހޭ،" އާއިލާގެ ފަރާތުން ނެރެފައިވާ ބަޔާނުގައި ބުނެފައި ވެއެވެ.
ހަމަ އެއާއެކު މިއާއިލާއަށް އެހެން ބައެއް ގޮންޖެހުންތަކާވެސް ވަނީ ކުރިމަތިލާން ޖެހިފައެވެ. މީގެ ތެރޭގައި ލާން ބޭނުންވާ ގަމީހާއި ހެދުން ހޯދުން ހިމެނެއެވެ. ޚާއްސަކޮށް ލާންބޭނުންވާ ފަޓްލޫމާއި ހަރުވާޅު އަދި ބޫޓު ހޯދުން މި އާއިލާއަށް ވެގެން ގޮސްފައިވަނީ ދަތި ކަމަކަށެވެ.
ޓްރަޕް އާއިލާއަށް ދުނިޔޭގެ އެންމެ ދިގު މީހުން ހިމެނޭ އައިލާގެ ރެކޯޑު ހާސިލް ކުރެވިފައިވަނީ 2020ވަނަ އަަހަރުގެ ޑިސެމްބަރުމަހުއެވެ.
