ސްރީލަންކާގެ ޢާންމު ޙާލަތު ގޯސްވުމާގުޅިގެން އެޤައުމުގައި ދިރިއުޅޭ ދިވެހީންގެ ޙާލަތު ގާތުންބަލައި، ދިވެހީންނަށް ބޭނުންވާ އެހީތެރިކަން ފޯރުކޮށްދިނުމަށް ސަރުކާރަށް ގޮވާލާ، ކުއްލި މައްސަލައެއް މަޖިލީހަށް ހުށައަޅައިފިއެވެ. މި ކުއްލި މައްސަލަ ހުށައެޅުއްވީ މަޑުއްވަރީ ދާއިރާގެ މެންބަރު އާދަމް ޝަރީފެވެ.

އާދަމް ޝަރީފް ހުށައެޅުއްވި ކުއްލި މައްސަލާގައި ވަނީ ސްރީލަންކާގެ އިޤުތިޞާދީ، ސިޔާސީ އަދި ޢާންމު ޙާލަތު ގޯސްވުމާ ގުޅިގެން އެ ޤައުމުގައި މުޒާހަރާތަކާއި
ހަމަނުޖެހުންތައް އިތުރުވެ، އެތައް ގަޑިއިރުތަކަށް ކަރަންޓާއި އެހެނިހެން އަސާސީ ޚިދުމަތްތައް މެދުކެނޑި، އެޤައުމުގައި ކަރފިއު އިއުލާން ކޮށްފައިވާކަމަށެވެ.

Sri Lanka gai thibi Dhivehinnashaai Sri Lanka ge sarukaaraai rayyithunnah alhugandumen Dhivehin, hamdharudheeve, eheetherikan foarukohdhey jehey! Kommehen annan beynunvaa Dhivehin Flight eh charter koggennamaves Raajje geneveyne inthizaamu hamajassan feney! pic.twitter.com/6hY5F482eM

— Adam Shareef Umar (@Adamshareefz) April 4, 2022

ސްރީލަންކާއަކީ ގިނަ އަދަދެއްގެ ދިވެހި ކިޔަވާކުދިންނާއި އަންހެނުންނާއި އަދި ގިނަ އަދަދެއްގެ ޢާންމު ދިވެހިން ދިރިއުޅެމުންދާ ޤައުމަކަށްވެފައި، ސްރީލަންކާގެ ޙާލަތު ގޯސްވުމުގެ ސަބަބުން އެ ޤައުމުގައި ދިރިއުޅޭ ދިވެހިންނަށްވެސް ބޭނުންވާ ތަކެތި ނުލިބުމާއި ގިނަ ވަޤުތުތަކުގައި ކަރަންޓް ނުލިބޭތީވެ، ހޯދޭ މަދު ކާބޯތަކެތީގެ
ބާވަތްތައްވެސް ފުރިޖުގައި ރައްކާކުރަން ދަތިވުމާއި ދަތުރުފަތުރުކުރަން ދަތިވުމާއި މިނޫންވެސް އެތައް ވޭނަކާއި ތުރާލެއް ދިވެހިން ތަހައްމަލު ކުރަމުންދާތީއާއި ސްރީލަންކާގައި ޚާއްޞަކޮށް ރަމަޟާންމަހުގެ ދުވަސްތައް ދިވެހީންނާއި އެ ޤައުމުގެ މުސްލިމުން ހޭދަކުރަމުންދަނީ ބަޔާންކުރަން ދަތި، ނިކަމެތި ޙާލަތެއްގައި ކަމަށްވާތީ، އަވައްޓެރި ސްރީލަންކާގައި ތިބި ދިވެހި ކިޔަވާ ކުދިންނާއި ކުޑަކުދިންނާއި ޅަދަރިމައިންނާއި އަންހެނުންނާއި އެހެނިހެން ދިވެހިންގެ ޙާލަތު، ވަކިވަކިން، ދުވަހުން ދުވަހަށް މޮނިޓަރ ކުރުމަށާއި، ސްރީލަންކާގައި ދިރިއުޅޭ ދިވެހީންނަށް ކުރިމަތިވެފައިވާ ދަތިތަކާއި އަދި ކުރިމަތިވެދާނެ ގޮންޖެހުންތައް ދެނެގަނެ، ދިވެހި ސަރުކާރުން ސްރީލަންކާގައި ދިރިއުޅޭ ދިވެހިންނަށް މާލީ އަދި ހިޔުމަނިޓޭރިއަން އެސިސްޓެންސް ވީހާވެސް އަވަހަކަށް ފޯރުކޮށްދިނުމަށާއި ދިވެހިންގެ ރައްކާތެރިކަން ކަށަވަރު ކުރުމަށާއި ދިވެހިންގެ ޙައްޤުގައި އަޅަންޖެހޭ ފިޔަވަޅުތައް އަވަހަށް އެޅުމަށް ދިވެހި ސަރުކާރަށް ގޮވާލާކަމަށެވެ.

އެގައުމުގެ ފޮރިން އެކްސްޗޭންޖު ރިޒާވް އާދަޔާ ޚިލާފަށް ދަށްވެ، އިންފްލޭޝަން މަތިވެ، ސިޔާސީ މަސްރަހު ވަނީ ވަރަށް ބޮޑަށް ހަލަބޮލި ވެފައެވެ.

އިގްތިސާދީ ތަޖުރިބާކާރުން ވިދާޅުވާ ގޮތުގައި، ފާއިތުވެދިޔަ އަހަރުތަކުގައި ސްރީ ލަންކާގެ ސަރުކާރުން އެގައުމުގެ އިގްތިސާދުގެ ބޭނުން ނާޖާއިޒު ގޮތުގައިކޮށް، އަދި ނަގާފައިވާ ބޮޑެތި ލޯނުތަކާއި، މާބޮޑު ޕްލޭނެއް ނެތި ޓެކްސް ދަށްކުރަމުން ދިއުމުގެ ނަތީޖާއެއްގެ ގޮތުން، ގައުމުގެ ގޯސްވަމުންދާ އިގްތިސާދީ ހާލަތަށް ދަނީ ނޭދެވޭ އަސަރު ކުރަމުންނެވެ.