ރައްޔިތުންގެ މަޖިލީހުގެ ރައީސްގެ އަމިއްލަ ގެކޮޅުކަމަށްވާ ގ.ކެނެރީގޭ ހުންނަ ނީލޯފަރު ހިނގުން ވަރަށް ގިނަ ދުވަސްތަކުގައި ބަންދުކޮށްފައި އޮތުމުން ޢާންމުމަށް ދިމާވާ އުނދގޫތަކުގެ ވާހަކަ މީޑިއާއިން ލިޔުން، ރައީސް ނަޝިދުގެ އާއީލޭ ބޭފުލެއްކަމަށްވާ އަދި މަޖިލީހުގެ ނާއިބު ރައީސް އީވާ ޢަބްދުﷲ ކަންބޮޑުވުން ފާޅުކުރައްވައިފިއެވެ.
ކެނެރީގެ ހުންނަ ގޯޅި މަޖިލިސް އޮންނަ ދުވަސްތަކުގައާއި، ބައެއް ބަންދު ދުވަސްތަކުގައި ރައީސް ނަޝީދު އެ ގެކޮޅުގައި އުޅުއްވާތި ވަރަށް ގިނަ ވަގުތު އޮންނަނީ ބަންދުކޮށްފައެވެ. އެއީ ހަނި އެތައް ގޯޅިއެއް އޮންނަ ސަރަހައްދަކަށްވުމުން، ސްކޫލް ދަރިވަރުން ގޮވައިގެންނާއި އޮފީސްތަކަށް ދާ މީހުންނަށް ވަރަށް ބޮޑެތި ދަތިތަކެއް ކުރިމަތިވާކަމުގެ ޝަކުވާ ވަނީ ވަރަށް ބޮޑަށް އިތުރުވެފައެވެ. މިކަމާއި ގުޅިގެން ނޫސްތަކުގައި ވަނީ އެވާހަކަ ލިޔެފައެވެ.
މިކަމާއި ގުޅިގެން ރައްޔިތުންގެ މަޖިލީހުގެ ނާއިބު ރައީސް އީވާ ޢަބްދުﷲ ވަނީ އެމްޑީޕީގެ އެތެރޭގެ ޗެއަރޕާސަން އިންތިޙާބު ކައިރިވެފައިވަނިކޮށް، ތަފާތު އެކި ނޫސްތަކަށް ކުއްލިއަކަށް ރައީސް ނަޝީދު ގޭ ގޯޅީގަނޑޭ ކިޔާފައި އެއްސުރުަޚީއެއް ލިޔުއްވަން ޖެހުނީ، ޝަކުވާއޭ އުނދަގުލޭ ކިޔައިގެންވެސް އަލުން ސެކިޔުރިޓީ ހަނިކުރަންތޯ ސުވާލުކުރެއްވިއެވެ. އީވާ ވަނީ ރައީސް ނަޝީދަށް ގެއްލުންވާގޮތަށް އަނެއްކާ ގޮއްވާލާނެ ޖާގަ ހަދަންތޯވެސް ސުވާލުކުރައްވާފައެވެ.
އެތެރޭ އިންތިޙާބު ތެރޭ، ތަފާތު އެކި ނޫސްތަކަށް ކުއްލިއަކަށް ރައީސް ނަޝީދު ގޭ ގޯޅީގަނޑޭ ކިޔާފައި އެއްސުރުަޚީއެއް މިލިޔުއްވަން ޖެހުނީ، ޝަކުވާއޭ އުނދަގުލޭ ކިޔައިގެންވެސް އަލުން ސެކިޔުރިޓީ ހަނިކުރަން؟
އަނެއްކާ ގޮއްވާލާނެ ޖާގަ ހަދަން؟ pic.twitter.com/DKDJ8H4aV7
— Eva Abdulla ????❓ (@evattey) March 30, 2022
މެއި މަހުގެ 6 ވަނަ ދުވަހު ރައީސ ނަޝިދު އަވަހާރަކޮށްލުމަށް ދިން ހަމަލާއާއި ގުޅިގެން ރައީސް ނަޝިދުގެ ސެކިއުރިޓި ވަނީ ވަރަށް ބޮޑަށް ވަރުގަދަކޮށްފައެވެ. އެ ހަމަލާއާއި ގުޅިގެން ނަޝީދުގެ ގެކޮޅު ހުންނަ ގޯޅިއާއި މަޖީދީ މަގުގެ ބޮޑު ބައެއް ވަނީ ޕާކް ނުކުރެވޭގޮތަށް ހަދާފައެވެ. މިކަން މިހެން އޮތްނަމަވެސް ނަޝީދުގެ ގޭ ހުންނަ ގޯޅިތެރޭގައި ސެކިއުރިޓީ އުޅަނދު ބާއްވާ ގޯޅިތެރެ އޮންނަނީ ބަންދުކޮށްފައެވެ.
