މަޝްހޫރު ޑައިރެކްޓަރު މުހައްމަދު ނިޔާޒު (ޓެޑްރީ)ގެ އެންމެ އުންމީދީ ފިލްްމް "ލަސްވިޔަސް"ގެ ޝޫޓިން ބާރަށް ކުރިއަށް ދާކަމަށް އެޓާނަލް ޕިކްޗާސް ޕްރޮޑަކްޝަން ހައުސް އިން ބުނެފިއެވެ.
މި ފިލްމް ގެ މަންޒަރުތަކެއް ބ. ކަމަދޫގައި ނަގާ ނިންމާލާފައިވާއިރު، ސޯޝަލް މީޑީއާއަށް ފޮޓޯއެއް ވެސް ދޫކޮށްލާފައެވެ.
މި ޕޯސްޓްގައި ހިމަނާފައިވާ ދެ ފޮޓޯގެ ތެރެއިން އެއް ފޮޓޯގައި ތިބީ މަޝްހޫރު އެކްޓްރެސް ނިޢުމާ މުޙައްމަދުގެ ދަރިފުޅު ޒޯޔާ ޙަސަން އިބްރާހިމާއި ހުނަރުވެރި ޑައިރެކްޓަރު މުޙައްމަދު ނިޔާޒް ޓެޑްރީއެވެ. ދެވަނަ ފޮޓޯގައި ފިލްމުގެ ޝޫޓިންގައި ހަރަކާތްތެރިވި ޓީމު އެއްކޮށް ފެނިގެންދެއެވެ.
މި ފިލްމަކީ ޒޯޔާ ފިލްމު އިންޑަސްޓްރީއަށް ތައާރަފް ކުރާ ފިލްމެވެ. "ލަސްވިޔަސް" އެންމެ ފުރަތަމަ އިއުލާންކުރީ 2017 ގައެވެ.
ފިލްމް ގެ ޝޫޓިން ފަށާފައިވަނީ މިމަހުގެ 11 ވަނަ ދުވަހުއެވެ. އަދި ކަމަދޫގައި ނަގާ މަންޒަރުތައް މިހާރު އެއްކޮށް ނިމިފައިވާ ކަމަށް ޓެޑްރީ ވަނީ ބުނެފައިއެވެ.
މި ފިލްމަކީ ޓެޑްރީގެ އަމިއްލަ ވާހަކައަކަށް ލިޔެ، ޑައިރެކްޓްކުރާ ފިލްމެކެވެ.
