ބައިނަލްއަޤްވާމީ އަންހެނުންގެ ދުވަހުގެ މުނާސަބަތުގައި ސްޓެލްކޯއިން އެކުންފުނީގެ މުވައްޒިފުންނަށް ޚާއްސަ ސެމިނާސެއް ބާއްވާއިފިއެވެ.
ސްޓެލްކޯއިން ބޭއްވި މިސެމިނާގައި އެކުންފުނީގެ ގިނަ އަދަދެއްގެ އަންހެން މުވައްޒިފުން ވަނީ ބައިވެރިވެފައެވެ. ބައިނަލްއަގުވާމީ އަންހެނުންގެ ދުވަހާއި ގުޅިގެން ސްޓެލްކޯގެ އަންހެން މުވައްޒަފުންނަށް ހާއްސަކޮށްގެން ބޭއްވި ސެމިނާރ ޝަރަފްވެރި ކޮށްދެއްވީ ޖެންޑާ މިނިސްޓްރީގެ ސްޓޭޓް މިނިސްޓަރ ޒިފްލީނާ ޙަސަންއެވެ.
މި ސެމިނާރގައި ސްޓެެލްކޯގެ މެނޭޖިންގ ޑިރެކްޓަރު އަހުމަދު ޝަރީފާއި، ޖެންޑަރ މިނިސްޓްރީގެ ސްޓޭޓް މިނިސްޓަރ ޒިފްލީން ހަސަންގެ އިތުރުން، މަރިޔަމް ޝަފިއްޔާ އާއި ފާތިމަތު އީމާން ނަޝީދު ވަނީ ވަރަށް އަގުހުރި ވާހަކަތަކެއް ސްޓެލްކޯގެ އަންހެން މުވައްޒަފުންނާއި ހިއްސާކުރައްވާފައެވެ.
މިސެމިނާގައި، މަސައްކަތުގެ މާހައުލުގައި އަންހެނުންގެ ދައުރާއި، ކެރިންގެ މަސައްކަތުގެ ދާއިރާއަށް ނިކުތުމާއި ގުޅޭގޮތުން ވަނީ މައުލޫމާތު ދީފައެވެ. އަދި ސްޓެލްކޯފަދަ އާންމު ރައްޔިތުންނާއި ގުޅުންއޮތް މުހިންމު ޚިދުމަތެއް ދޭ މުވައްސަސާއެއްގައި އަންހެނުންގެ ދައުރުގެ މުހިންމު ކަމާއިގުޅޭގޮތުންވެސް މިބައްދަލުވުމުގައިވަނީ މައުލޫމާތު ދެވިފައެވެ. މިނޫންވެސް އެކި ދާއިރާތަކުން ފަންނީ ގިނަ މައުލޫމާތުތަކެއް މިސެމިނާގައި ވަނީ މުވައްޒިފުންނަށް ދީފައެވެ.
ބައިނަލްއަގުވާމީ އަންހެނުންގެ ދުވަހާއި ގުޅިގެން، މިކުންފުނީގައި މަސައްކަތް ކުރާ އަންހެން މުވައްޒަފުންނަށް ހާއްސަކޮށްގެން ބޭއްވި ސެމިނާރ ޖެންޑާ މިނިސްޓްރީގެ ސްޓޭޓް މިނިސްޓަރ ޒިފްލީނާ ޙަސަން ވަނީ ޝަރަފުވެރިކޮށްދެއްވާފައި. pic.twitter.com/ibJUcMksD8
— STELCO (@STELCOMALDIVES) March 8, 2022
ބައިނަލްއަޤްވާމީ އަންހެނުންގެ ދުވަހެއް ފާހަގަކުރުމުގެ މަޤްސަދަކީ، އަންހެނުންނަށް ލިބިފައިވާ ހައްޤުތައް ކަށަވަރުކުރުމަށާއި އަންހެނުންގެ ޙާލަތު ރަނގަޅު ކުރުމަށް އެކި ދާއިރާތަކުން ހޯދާފައިވާ ކާމިޔާބީތައް ފާހަގަކޮށް، ދިވެހިރާއްޖޭގައި އަންހެނުން ބާރުވެރި ކުރުމަށާއި މިންތީގެ ހަމަހަމަކަން ޤާއިމުކުރުމަށް އެކި ފަރާތްތަކުން ކުރަމުންދާ މަސައްކަތްތަކުގެ އަގުވަޒަންކުރުމެވެ. މި ދުވަސް ފާހަގަކުރުމުގެ ގޮތުން ޔޫ.އެން.ވިމެން އިން މިއަހަރަށް ކަނޑައަޅާފައިވާ ޝިޢާރަކީ
“Gender equality today, for a sustainable tomorrow” ނުވަތަ "މިއަދު މިންތީގެ ހަމަހަމަކަން – ދެމެހެއްޓެނިވި މާދަމާއަކަށް" މިއެވެ.
ކޮމެންޓު ފޮނުވާ