އިނގިރޭސި ވިލާތުގެ ރާނީ އެލިޒަބަތް-2 ކޯވިޑް-19 އަށް ޕޮޒިޓިވްވުމާއި ގުޅިގެން އެކަމަނާއަށް އަވަސް ޝިފާއަކަށް އެދިވަޑައިގެން ރައީސުލްޖުމްހޫރިއްޔާ އިބްރާހިމް މުހައްމަދު ސާލިހް މެސެޖެއް ފޮނުއްވައިފިއެވެ.
ރައީސް ފޮނުއްވި މެސެޖްގައި ވަނީ ދިވެހިރައްޔިތުންނާއި ރައީސުލްޖުމްހޫރިއްޔާގެ އަމިއްލަ ނަންފުޅުގައި ރާނީއަށް އަވަހަށް ޝިފާއަށް އެދިވަޑައިގެން ދުޅަހެޔޮ ސިއްހަތަކަށް އެދިވަޑައިގަންނަވާ ކަމަށް ވިދާޅުވެފައެވެ. އިނގިރޭސިވިލާތުގެ ޝާހީ ގަނޑުވަރުން ބުނެފައިވާ ގޮތުގައި ރާނީ އެލިޒަބެތަށް ބަލިޖެހުނު ނަމަވެސް ޙާލުކޮޅު ރަނގަޅެވެ. އަދި ކުރިޔަށް އޮތް ހަފުތާގެ ތެރޭގައި މަޤާމުގެ ބައެއް މަސްޢޫލިއްޔަތުތަކާ ޙަވާލުވެވަޑައިގަންނަވާނެކަމަށްވެސް ޝާހީ ގަނޑުވަރުންވަނީ ބުނެފައެވެ.
Very sad to learn that Her Majesty Queen Elizabeth II has tested positive for Covid-19. The people of Maldives join me in wishing Her Majesty a speedy recovery and good health. @RoyalFamily @UKinMaldives
— Ibrahim Mohamed Solih (@ibusolih) February 20, 2022
ރާނީ ކޯވިޑަށް ޕޮޒިޓިވް ވެފައި މިވަނީ، އިނގިރޭސިވިލާތުގައި އެންމެ ދިގު މުއްދަތަކަށް ރަނިކަން ކުރެއްވި ބޭފުޅަކަށް ރާނީ ވެވަޑައިތްތާ މަދު ހަފްތާތަކެއްގެ ތެރޭގައެވެ. ރާނީ ވަނީ އެކަމަނާގެ ރަނިކަމަށް 70 އަހަރު ފުރުމުގެ އަލިމަސް ޔޫބީލް މި ފެބްރުއަރީމަހުގެ 6ވަނަ ދުވަހު ފާހަގަ ކުރައްވާފައެވެ.
ރާނީ ކޯވިޑްގެ ފުރަތަމަ ވެކްސިން ޖަހާފައިވަނީ 2021ވަނަ އަހަރުގެ ޖެނުއަރީމަހުގެ 9 ވަނަ ދުވަހުއެވެ. އިނގިރޭސި ވަލީ އަހުދު ޕްރިންސް ޗާރލްސްގެ އަނބި ކަނބަލުން، ޑަޗެސް އޮފް ކޯންވެލް ވަނީ، ޗާރލްސް ޕޮޒިޓިވް ވިތާ ކުޑަ ދުވަސްކޮޅެއް ފަހުން ކޯވިޑަށް ޕޮޒިޓިވް ވެފައެވެ. މިއީ ޗާރލްސްގެ އަނބިކަނބަލުން ޑަޗެސް ކޯވިޑަށް ޕޮޒިޓިވް ވީ ފުރަތަމަ ފަހަރެވެ. އަދި ޗާރލްސް ކޯވިޑަށް ޕޮޒިޓިވް ވީ ދެވަނަ ފަހަރެވެ.
ކޮމެންޓު ފޮނުވާ