ވާންވީ ގޮތަކީ އިންޑިޔާ ސިފައިން އެމީހުންގެ އުޅަދު ތަކާއެކު އަބުރާ ދާންވީ ކަމުގައި ކުރީގެ ހޯމް މިނިސްޓަރ އުމަރު ނަސީރު ވިދާޅުވެއްޖެއެވެ.
އުމަރު މިހެން ވިދާޅުވީ އިދިކޮޅު ޕީޕީއެމްއާއި ޕީއެންސީން ކުރިއަށްގެންދާ "އިންޑިއާ އައުޓް"ކެމްޕޭނުގެ ސަބަބުން ޤައުމުގެ ދާޚިލީ ސަލާމަތަށް ނުރަނގަޅު އަސަރު ފޯރުން ބޮޑުކަމަށް ހޯމް މިނިސްޓަރ އިމްރާން ވިދާޅުވެ ހޯމް މިނިސްޓަރާއި، ކަމިޝަނަރ އޮފް ޕޮލިސް މުހައްމަދު ހަމީދު އިއްޔެ މަޖިލީހުގައި ދެއްކި ވާހަކަތަކާއި ގުޅިގެންނެވެ.
އުމަރު ވިދާޅުވީ، އިންޑިއާ ސިފައިންނާއި، ދެކޮޅަށް ހިންގަމުންދާ ހަރަކާތް ހުއްޓުވުމުގެ ބަދަލުގައި ކުރަންވީ ކަމަކީ އިންޑިޔާ ސިފައިން އެމީހުންގެ އުޅަދު ތަކާއެކު އަބުރާ ފޮނުވާލަންވީކަމަށެވެ. ހެލިކޮޕްޓަރެއް ހަދިޔާ ކުރަން އައިބަޔަކު 12 އަހަރުވާއިރު އެކިއެކި ބަހަނާ ދައްކައިގެން ނުގޮސްތިބެ، ރާއްޖޭގެ އެކިކަންކޮޅަށްފުޅާ ކުރާ މަންޒަރު މީގެ ސަބަބުން ނިކުންނާނެ ނުބައި ނަތީޖާ ނޭގޭ ދިވެއްސަކު ނެތްކަމަށް އުމަރު ވިދާޅުވިއެވެ.
ވާންވީ ގޮތަކީ އިންޑިޔާ ސިފައިން އެމީހުންގެ އުޅަދު ތަކާއެކު އަބުރާ ދާންވީ. ހެލިކޮޕްޓަރެއް ހަދިޔާ ކުރަން އައިބަޔަކު 12 އަހަރުވާއިރު އެކިއެކި ބަހަނާ ދައްކައިގެން ނުގޮސްތިބެ، ރާއްޖޭގެ އެކިކަންކޮޅަށްފުޅާ ކުރާ މަންޒަރު މީގެ ސަބަބުން ނިކުންނާނެ ނުބައި ނަތީޖާ ނޭގޭ ދިވެއްސަކު ނެތް. މި ރާއްޖޭގައި އިންޑިޔާގެ ރައްޔިތުން ތިބެގެން ދިވެހިން ރުޅިއައިސްގެންނެތް ނޫޅޭ. ރުޅިއައިސްގެން އުޅެނީ އިންޑިޔާ ސިފައިން ތިބެގެން.
– އުމަރު ވިދާޅުވިއެވެ.
އިންޑިއާ އައުޓް ހަރަކާތަށް ނުސީދާކޮށް ޖޯކު ޖައްސަވަމުން އިމްރާން ވިދާޅުވީ އެ ހަރަކާތުގައި "އައުޓް ކުރަން ގޮވާ އެއްޗެއް ސާފު ނުވާ" ކަމަށެވެ.
އިންޑިއާ އައުޓްގެ ނަމުގައި ހަރަކާތެއް ކުރިއަށް ގެންދަން ޖެހޭ ސަބަބެއް ނެތް ކަމަށް ފާހަގަކުރައްވަމުން އިމްރާން ވިދާޅުވީ ދިވެހިރާއްޖޭގެ މިނިވަންކަމާއި އިސްތިގުލާލް އަދި ރައްޔިތުންގެ ސަލާމަތާއި ރައްކާތެރިކަމަށް ސަރުކާރުން އަބަދުވެސް އިސްކަން ދޭނެ ކަމަށެވެ. އަދި އިދިކޮޅު ޕާޓީ ތަކުން ހިތްހަމަ ނުޖެހޭ ކަންތައްތަކެއް ހުރި ނަމަ އެކަމާ ދެކޮޅަށް އަޑުއުފުލާ ހިޔާލުފާޅުކުރުމަށް ސަރުކާރުން ހުރަސް ނާޅާނެ ކަމުގައި ވިދާޅުވިއެވެ.
ހޯމް މިނިސްޓަރ އިމްރާން ވިދާޅުވީ މި ޙަރާކަތް ހިންގާއިރު މުޅި ރާއްޖެއާ ގުޅުންހުރި ގިނަ ކަންކަން އިންޑިއާއާ އެކުގައި ހިނގަމުންދާކަމަށެވެ. ރާއްޖޭގައި އެތަކެއް ޑޮކްޓަރުންނާއި ނަރުހުންނާއި މުދައްރިސުން ތިބިކަން ފާހަގަކުރައްވައި މިނިސްޓަރ ވިދާޅުވީ މި ހަރަކާތުގެ ސަބަބުން ރާއްޖޭގައި ތިބި އިންޑިއާގެ ޚިދުމަތްތެރިންނަށް އިންޒާރުލިބޭ ހިސާބަށް ދާކަމަށެވެ.
One Response
ދެން ވާންވީ ގިތަކި އުމަރު ހަރުގަނޑުން އަރަން ޖާގަ ޖޭންވީ. ދެން ވާންވީ ގޮތަކީ އުމަރު ނުލާ ދެންތިބި އެންމެން މޮޔާއިންނަށް ވާންވީ. ނޫނޭ ފައްކާ އިންގޭ.