ރާއްޖޭގައި ކޯވިޑްގެ ހާލަތު ގޯސްވެގެންދާ މިހާލަތުގައި މެޑްޓެކް މޯލްޑިވްސް އިން، އިލްމު އިންސްޓިޓިއުޓް ފޯ އިސްލާމިކް ސްޓަޑީސް އަށް ކޯވިޑާއި ގުޅުންހުރި ޞިއްޚީ ބައެއް ސާމާނު ހަދިޔާ ކޮށްފިއެވެ.
މެޑްޓެކްގެ ފަރާތުން ހަދިޔާކުރި ސާމާނުތަކުގެ ތެރޭގައި ކޯވިޑާއި ގުޅިގެން އެންމެބޮޑަށް ބޭނުންވާ ހޭންޑް ސެނެޓައިޒާއާއި، ހުންބަލާ ތާމޯ މީޓަރު ހިމެނެއެވެ. ޢިލްމު އިންސްޓިޓުޓަކީ ޤައުރުއާނުގެ އިލްމުނު އުގެނުމަށާއި، މިނޫންވެސް އިލްމީ ގިނަ މަސައްކަތްތަކެއް ކުރެވޭ ޖަމްއިއްޔާއަކަށްވުމުން، މިފަދަ އެހީތެރިކަމެއް މިދަނޑިވަޅުގައި ލިބުމުން އެއިންސްޓިޓުން ވަނީ މެޑްޓެކަށް ޝުކުރު އަދާކޮށްފައެވެ.
މެޑްޓެކް އަކީ ރާއްޖެ އަށް ބޭނުންވާ ސިއްޙީ ސަމާނު އެތެރެކުރާ އެއް ކުންފުންޏެވެ. އެގޮތުން މިހާތަނަށްވެސް ކޯވިޑް-19ގެ ޙާލަތާއި ގުޅިގެން އެކުންފުނިން ވަނީ ސިއްޙީ ސާމާނު އެތެރެކޮށްފައެވެ. އަދި ބައެއް ސްކޫލު މަދަރުސާތަކާއި، އާންމު ބައެއް ޖަމްއިއްޔާތަކަށްވެސް އެކުންފުނިން ވަނީ ހިލޭ މިފަދަ ޞިއްޚި ބައެއް ސާމާނު ހަދިޔާކޮށްފައެވެ.
އިލްމު އިންސްޓިޓިއުޓް ފޯ އިސްލާމިކް ސްޓަޑީސްއިން ވަނީ 100 ހާފިޒުން ތަމްރީން ކުރުމުގެ ބޮޑު ޕްރޮގުރާމެއް ފަށާފައެވެ. 100 ޙާފިޒުން އުފެއްދުމުގެ މަޝްރޫޢަކީ ދިވެހި މުޖުތަމަޢުގައި ކީރިތި ޤުރުއާނަށް އޮންނަ ލޯބި އިތުރުކޮށް ރާއްޖޭގައި ޙާފިޒުން އިތުރުކުރުމުގެ މަތިވެރި މަޤުޞަދުގައި ޢިލްމު އިންސްޓިޓިއުޓް ފޯ އިސްލާމިކް ސްޓަޑީސްގެ ފަރާތުން ކުރިއަށް ގެންދާ ޚާއްޞަ މަޝްރޫޢެކެވެ.
މީގެ އިތުރުން އިލްމު އިންސްޓިއުޓްގެ ފައުންޑާ ޑރ.ޝަހީމް ވަނީ "ކޮއްކޮމެން ޕްރީ ސްކޫލް" ގެ ނަމުގައި މާލޭގައި ހިންގަމުން ދިޔަ ޕްރީ ސްކޫލުވެސް ހިންގަވަން ފައްޓަވާފައެވެ.
