الحمد لله، والصلاة والسلام على نبينا محمد وعلى آله وصحبه وسلم وبعد:

ނަމާދުގެ ފަރްޟުތައް:

1. ނިޔަތް
2. ހަށަމް ބަނުން
3. ފަރްޟު ނަމާދުގައި ކޮޅަށް ހުރުން
4. ސޫރަތުލް ފާތިޙާ ކިޔެވުން
5. ރުކޫޢު ކޮށް ރުކޫޢުގައި ހަމަޖެހިލުން
6. ރުކޫޢިން އިޢްތިދާލަށް ތެދުވުން
7. ހަތް ގުނަވަން މަތީ ސަޖިދަ ޖެހުން "ނިތްކުރި، ދެއަތް، ދެކަކޫ، ދެފައިތިލަ".
8. އައްތަޙިއްޔާތުގައި އިށީނުން އަދި އައްތަޙިއްޔާތު ކިޔުން
9. ސަލާމްދިނުން

ނަމާދުގެ ސުންނަތްތައް:

1. ހަށަމް ބަންނަ ހިނދުގައްޔާއި، ރުކޫޢަށް ދަމުންނާއި ތެދުވަމުން އަތް އުފުލުން، އަދި ތިންވަނަ ރަކްޢަތަށް ތެދުވާ ހިނދުގައި އަތް އުފުލުން.
2. ވާއަތް މަތީ ކަނާ އަތް ބޭއްވުން
3. ދުޢާއުލް އިސްތިފްތާޙު ކިޔުން
4. ފުރަތަމަ ރަކްޢަތުގައި އަޢޫޛު ކިޔުން
5. ސޫރަތުލް ފާތިޙާ އަށް ފަހުގައި އާމީން ކިޔުން
6. ފުރަތަމަ ދެރަކްޢަތުގައި ސޫރަތުލް ފާތިޙާ އަށް ފަހުގައި ގުރްއާނުން ފަސޭހަ ތަނެއް ކިޔެވުން.
7. އެއް ހައިއަތުން އަނެއް ހައިއަތަށް ބަދަލުވުމުގައި ތަކްބީރު ކިޔުން. "ރުކޫޢަށް ދަމުން، ސަޖިދަ އަށް ދަމުން".
8. ފުރަތަމަ އައްތަޙިއްޔާތުގައި އިފްތިރާޝް ކޮށް އިށީނުން، އަދި ދެވަނަ އައްތަޙިއްޔާތުގައި ތަވައްރުކް ކޮށް އިށީނުން.
9. އައްތަޙިއްޔާތުގައި އިނގިލިން އިޝާރާތް ކުރުން
10. ދެވަނަ އައްތަޙިއްޔާތުގައި ރަސޫލާ-ޞައްލަﷲ ޢަލައިހި ވަސައްލަމަ- ގެ މައްޗަށް ޞަލަވާތް ކިޔެވުން
11. ފަހު އައްތަޙިއްޔާތު ނިމިގެން ސަލާމް ދިނުމާއި ދެމެދުގައި ދުޢާ ކުރުން.

ނަމާދު ޞައްޙަ ވުމުގެ ޝަރްޠުތައް:

1. އިސްލާމަކު ކަމުގައިވުން
2. ބުއްދި ހުރުން
3. ތަންދޮރު ވަކި ކުރަން އެނގޭ ވަރުގެ މީހަކަށްވުން
4. ނަމާދުގެ ވަގުތު ވަނުން
5. ހަދަޘްވެރިކަމުން ޠާހިރުވެގެން ހުރުން
6. ހެދުމުގައި ނުވަތަ ނަމާދު ކުރާ ތަނުގައި ނަޖިހެއް ނެތުން
7. ޢައުރަ ނިވާ ކުރުން
8. ގިބްލަ އަށް ކުރިމަތިލުން
9. ނިޔަތް ގަތުން.

والله أعلم