ސަސް ބަލިކޮށް ވެލެންސިއާއިން މޮޅުވުމުގެ ރެކޯޑް ދަމަހައްޓައިފި

ޕްރެޒިޑެންޓްސް ކަޕް ފުޓްބޯޅަ މުބާރާތުގައި ސުޕަރ ޔުނައިޓެޑް ސްޕޯޓްސް ބަލިކޮށް ކްލަބް ވެލެންސިއާ އިން މޮޅުވުމުގެ ރެކޯޑް ދަމަހައްޓައިފިއެވެ.

މިއަދު ހަވީރު ރަސްމީ ފުޓްބޯޅަ ދަނޑުގައި ކުޅުނު މި ދެ ޓީމު ބައްދަލުކުރި މެޗު ވެލެންސިއާއިން ކާމިޔާބުކުރީ، 1-4 ގެ ނަތީޖާއަކުންނެވެ. މި ނަތީޖާއާއެކުވެލެންސިއާ ވަނީ މި މުބާރާތުގރ ފައިނަލާއި ގާތަށް ޖެހިލާފައެވެ. ފައިނަލުގެ ޖާގައެއް ޔަގީންކުރަން ވެލެންސިއާ އަށް ދެން ބޭނުންވާނީ އެންމެޕޮއިންޓެކެއެވެ.

މި މުބާރާތުގެ ފައިނަލަށް ދަތުރުކުރާނީ ފުރަތަމަ ޑިވިޝަންގެ 8  ޓީމު ކޮންމެ ޓީމެއް  ކޮންމެ ޓީމަކާއި ދެކޮޅަށް ކުޅެ، އެންމެ ގިނަ ޕޮއިންޓް ހޯދާ 2 ޓީމެއެވެ.

ވެލެންސިއާ އާއި ސަސް ބައްދަލުކުރި މެޗުގައި ފެނިގެންދިޔަ 5 ލަނޑުވެސް ޖަހާފައިވަނީ މެޗުގެ ދެވަނަ ހާފުގައެވެ. އެގޮތުން މެޗުގައި ފުރަތަމަ ލަނޑު 52 ވަނަމިނެޓުގައި ކާމިޔާބުކުރީ ވެލެންސިއާއިންނެވެ. މި ލަނޑު ކާމިޔާބުކޮށްދިނީ، ބޯޖަސް މާޓިންއެވެ. ނަމަވެސް އޭގެ 7 މިނެޓު ފަހުން ސަސް އަށް ލިބުނުޕެނަލްޓީއަކުން އަބްދުﷲ ހަނީފް (ބެންޖޯ) ވަނީ ލަނޑެއް ޖަހާ ސަސް އަށް މެޗުގެ ނަތީޖާ ހަމަހަމަކޮށްދީފައެވެ. ވެލެންސިއާއިން މި މެޗުގައި ދެވަނަ ފަހަރަށްލީޑު ނެގީ 65 ވަނަ މިނެޓުގައި އަސްހަދު ޢަލީ ކާމިޔާބުކޮށްދިން ލަނޑުންނެވެ.

ވެލެންސިއާއިން މި މެޗުގައި ޖެހި ތިންވަނަ ލަނޑާއި ހަތަރު ވަނަ ލަނޑު ޖަހާފައިވަނީ މެޗުގެ ފުރިހަމަ ވަގުތު ހަމަވެގެން ދެއްކި އިތުރު ވަގުތުގެ ތެރޭގައެވެ. އެގޮތުން ދެވަނަ ހާފުގައި ބަދަލު ކުޅުންތެރިއެއްގެ ގޮތުގައި ކުޅެން އެރި އިސްމާއިލް އީސަ ތިންވަނަ ލަނޑު ކާމިޔާބުކޮށްދިނީ މެޗުގެ މޮޅު ކުޅުންތެރިޔާގެ މަގާމްހޯދި ޢަލީ ފާސިރުއެވެ.

މި ނަތީޖާއާއެކު ޕްރެޒިޑެންޓްސް ކަޕުގައި މިހާތަނަށް ވެލެންސިއާ ކުޅުނު 5 މެޗުން ހޯދި 12 ޕޮއިންޓާއެކު އެޓީމު އޮތީ އެއްވަނައިގައެވެ. ދެވަނައިގައި 4 މެޗުންހޯދި 9 ޕޮއިންޓާއެކު އޮތީ މާޒިޔާއެވެ. ތިން ވަނައިގައި އޮތް ގްރީން ސްޓްރީޓްސް އަށް ވަނީ ހަތަރު މެޗުން ނުވަ ޕޮއިންޓް ލިބިފައެވެ.