މިހާރު ކުރިޔަށްދާ ޕްރެޒިޑެންޓްސް ކަޕް ފުޓްބޯޅަ މުބާރާތުގެ ފައިނަލް މެޗު ރ.އަލިފުށީގައި ކުޅޭގޮތަށް ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އިން ބުނެފިއެވެ.
ލީގު އުސޫލުން ކޮންމެ ޓީމެއް ކޮންމެ ޓީމަކާއި ކުޅެ އެންމެ ގިނަ ޕޮއިންޓް ހޯދާ 2 ޓީމު ފައިނަލުގައި ވާދަކުރާއިރު، ފައިނަލް މެޗު ކުޅެން ޝެޑިއުލްކޮށްފައި އޮތީމިމަހުގެ 23 ވަނަ ދުވަހަށެވެ.
ރ.އަލިފުށީގައި މި ސަރުކާރުން ތަރައްޤީކޮށްފައިވާ ޓާފް ފުޓްބޯޅަ ދަނޑުގައި ޕްރެޒިޑެންޓްސް ކަޕުގެ ފައިނަލް މެޗު ކުޅުމަށް ފުރިހަމަ ކުރަންޖެހޭ ކަންކަން ބެލުމަށްމިދިޔަ މަހުގެ ފަހުކޮޅު އެފްއޭއެމްގެ ކޮމްޕެޓިޝަން ޑިޕާޓްމަންޓްގެ އިސްވެރިންނާއި، ޔޫތް މިނިސްޓްރީގެ އިސްވެރިން ވަނީ އަލިފުއްޓަށް ވަޑައިގެންފައެވެ. މިދަތުރުގައި އެ ފަރާތްތަކުން ވަނީ އަލިފުށި ކައުންސިލާ ބައްދަލުކޮށްފައެވެ.
މިފަހަރުގެ ޕްރެޒިޑެންޓްސް ކަޕުގެ ފައިނަލް މާލެއިން ބޭރުގައި ކުޅެން ނިންމާފައިވާއިރު، މިއީ މާލެއިން ބޭރުގައި މި މުބާރާތުގެ ފައިނަލް މެޗު ކުޅޭ 3 ވަނަފަހަރެއެވެ.
ޕްރެޒިޑެންޓްސް ކަޕްގެ އެންމެ ފަހުން ބޭއްވީ 2017 ވަނަ އަހަރު އެވެ. އެ ފަަހަރުގެ ފައިނަލްގައި ޓީސީ އާއި ވާދަކޮށް ޗެމްޕިއަންކަން ހޯދީ ނިއުރޭޑިއަންޓްސްޕޯޓްސް ކްލަބެއެވެ.
ކޮމެންޓު ފޮނުވާ