އުމުރާގެ އަޅުކަން އަދާކުރަންދިޔަ ދިވެއްސަކު ނިޔާވެއްޖެ

ޢުމުރާގެ މަތިވެރި އަޅުކަން އަދާކުރުމަށް ދިޔަ ދިވެއްސަކު ނިޔާވެއްޖެއެވެ.

ޢުމުރާގެ އަޅުކަން އަދާކުރަމުން ދަނިކޮށް ނިޔާވީ ނ.ހޮޅުދޫ، ސާދާގެ، ހާމިދު މުހައްމަދެވެ. އޭނާ ނިޔާވެފައިވަނީ ރޭ ދަންވަރު 2:15ގައެވެ. ކޯވިޑް-19އާއި ގުޅިގެން މައްކާ ބަންދުކޮށްފައި އޮތުމަށްފަހު އަލުން ހުޅުވާލީ މިދިޔަ އަހަރުގެ ސެޕްޓެމްބަރު މަހުގެ ތެރޭގައެވެ.

ކޯވިޑް-19ގެ ޙާލަތުގައި ދިވެހިންނަށް ޢުމްރާއަށް ދެވޭނެ ޚާއްސަ އުސޫލެއް ސަޢުދީ ޢަރަބިއްޔާއިން ކަނޑައަޅާފައިވަނީ މިއަހަރުގެ ޖެނުއަރީ މަހުއެވެ. ޢުމްރާގެ އަޅުކަމަށް ސަޢުދީ އަރަބިއްޔާއަށް އެތެރެވެވޭނީ ދިވެހިރާއްޖޭގައި ހުއްދަ ދެވިފައިވާ ލެބޯޓަރީއަކުން ހައްދާފައިވާ، ސަޢުދީއަށް ފުރުމުގެ ކުރިން 72 ގަޑިއިރު ހަމަނުވާ ކޯވިޑް-19ގެ ނެގެޓިވް ޓެސްޓް ސެޓިފިކެޓެއް އޮންނަ މީހުންނަށެވެ.