ރާއްޖެއާއި އިންޑިއާ އާ ދެމެދުގައި ފުރިހަމަ ދިފާއީ ގާތްގުޅުން ތަކެއް ނެތްނަމަ، ޓެރަރިސްޓް ޖަމާއަތްތަކުން ރާއްޖެ ހިފުމުގެ ތަސައްވަރު ގެންގުޅެފާނެ ކަމުގައި، ރައްޔިތުންގެ މަޖިލިހުގެ ރައީސް މުހައްމަދު ނަޝީދު ވިދާޅު ވެއްޖެއެވެ.
ދުވަހު ނޫސް "އަދަދު"ގައި ނަޝީދު މިއަދު ޝާޢިއު ކުރެއްވި ލިޔުއްވުމެއްގައި ވިދާޅުވެފައިވަނީ، ރާއްޖެއަށް އޮތް ނުރައްކަލުން ސަލާމަތްވުމަށް ދިވެހިން މިހާރު އަހަރެއްގެ މައްޗައް ހަތަރު ބިލިއަނެއްހާ ރުފިޔާ ހަރަދު ކުރާ ކަމަށެއެވެ. ނަޝީދު އިޝާރާތް ކުރައްވާފައިވަނީ، ކޮންމެ އަހަރެއްގެ ބަޖެޓުގައި އަސްކަރިއްޔާއަށް ކަޑައަޅާފައި އޮންނަ 4 ބިލިއަނެއްހާ ރުފިޔާއަށެވެ.
މި ލިޔުއްވުމުގައި ނަޝީދު ވިދާޅުވެފައިވަނީ، އެހެން ނަމަވެސް، ކޮންމެ އަހަރަކުވެސް އަސްކަރިއްޔާއަށް ކުރެވޭ މިޚަރަދާ އެކުވެސް، ހުރިހާ ނުރައްކަލުން ސަލާމަތްވެއްޖެ ކަމަށް ބުނެވޭކަށް ނެތް ކަމަށެވެ. އަދި ޓެރަރިސްޓު ޖަމާއައްތަކުން ހާހެއްހާ މީހުނާއިއެކު ރާއްޖެ ހިފުމަށް މަސައްކަތް ނުކުރާނެ ކަމަށް ބަލައިގެންނުވާނެ ކަމަށާއި، އެފަދަ ބައެއް އަތުގައި ފިސާރި ބަރު ހަތިޔާރު ނުހުންނާނެ ކަމަށް ވެސް ދެކެވިގެން ނުވާނެ ކަމަށެވެ.
އަދި ނަޝީދު ވިދާޅުވެފައިވަނީ މާލޭގައި ހުރި ހަތިޔާރަށް ވުރެން ގިނަ ހަތިޔާރާއިއެކު މާލެ ހިފުމަށް ބައެއްގެ ހިތަށް ވަދެދާނެ ކަމަށެވެ.
މިގޮތުން ނަޝީދު ވިދާޅުވެފައިވަނީ، ދިވެހި ރާއްޖޭގައި އިންޑިއާގެ ދައުރެއް ނެތް ކަމަށް ދެކެނީނަމަ، އިންޑިއާ ކަނޑުގައި އޮތުމަށް ދިވެހިން އެދޭ ދިވެހިންގެ ބޮޑު ދައުރު ކިތަންމެ ތަނަކުން ހަނިވާނެ ކަމަށެވެ. މި މޭރުމުން ލިޔުއްވަމުން ނަޝީދު ވިދާޅުވެފައިވަނީ، "އިންޑިއާ އައުޓް" ޝިޔާރަށް ދިވެހިން ނުހެއްލޭނެ ކަމީ އެމަނިކްފާނުގެ ހިތްޕުޅުގައި އެއްވެސް ޝައްކު އުފެދޭ ކަމެއް ނޫންކަމުގައެވެ.
އިންޑިއާއާއި އަސްކަރީ ގުޅުން ދިވެހި ސަރުކާރުން ގާއިމް ކޮށްފައި ނެތްނަމަ، ބޭރުގެ ޖަމާއަތަކުން ރާއްޖެ އަރާ ރާއްޖެ ހިފުމަށް ވިސްނަފާނެކަމަށް ނަޝީދު ވިދާޅުވެފައިވާއިރު، ޑިފެންސް މިނިސްޓަރ މާރިޔާ ދީދީ އިންޑިއާގެ ނޫހަކަށް މީގެކުރިން ދެއްވި ބަސްދީގަތުމެއްގައި އިންޑިއާއިން ބޭނުން ނަމަ އެގައުމަށް ރާއްޖެ ހިފިދާނެކަމަށް ވިދާޅުވުމުން މިނިސްޓަރ މާރިޔާއަށްވެސް ވަނީ ގިނަ ބައެއްގެ ފާޑު ކިޔުން އަމާޒުވެފައެވެ.
އަދި ވެރިކަމުގައި ތިއްބެވި ބައެއް ބޭފުޅުންގެ ހިތްޕުޅުގައި ދިވެހި އަސްކަރިއްޔާގެ މައްޗަށް ޔަގީންކަމާއި އިތުބާރު ނެތުމަކީ ގައުމުގެ ދިފާޢަށް ކުރިމަތިވާނެ ބޮޑު މައްސަލައެއްގެ ގޮތުގައިވެސް، ސަރުކާރުގެ އިސް ބައެއް ބޭފުޅުން މިމޭރުމުން ދައްކަވާ ވާހަކަފުޅުތައް ބައެއް ފަރާތްތަކުން ދަނީ ސިފަ ކުރަމުންނެވެ.
3 Responses
މިކަހަލަ އަމިއްލައެދުމުން ފޯވެފަ ތިބި ނާޤާބިލު ހިޔާނާތްތެރިންގެ ކިބައިން ސަލާމަތްވެ ޤައުމުގެ މިނިވަންކަން ދެމެހެއްޓުމަކީ މިއަދު ކޮންމެ ދިވެހި ދަރިއެއްގެ އެންމެ އިސް ވާޖިބު.
Akanehenvehjenama yageen aenaseedugekamakanvaane
Maa bodu kameh kuraane kameh dhamaa neregen gengoss andhagodi jahaafa kida golhiah laanvee mi khaainu akee mihaaru ves terrorism ge dhauvaa koffa 13 aharu ge jalu