މޯލްޑިވްސް ނެޝަނަލް ޕާޓީގެ މެނިފެސްޓޯ އެކުލަވާލުމަށް ބޭނުންވާ މަޢުލޫމާތު އެއްކުރުމުގެ މަސައްކަތުގެ ތެރެއިން ކުރާ ދެވަނަ ދަތުރުގައި ތ. އަތޮޅަށް ފުރައިފިއެވެ.
މިދަތުރުގައި އެމްއެންޕީގެ ރައީސް ކާނަލް (ރޓޑ) މުޙައްމަދު ނާޒިމްގެ އިތުރުން، ޕާޓީގެ ލީޑަރޝިޕާއި އެގްޒެކެޓިވް ކައުންސިލް އަދި އެޑްވައިޒަރީ ކައުންސިލްގެ މެންބަރުން ބައިވެރިވެއެވެ.
މިއަދުން ފެށިގެން މިމަހުގެ 11 ގެ ނިޔަލަށް ކުރާ ދެދުވަހުގެ މިދަތުރުގައި އެމްއެންޕީގެ ޓީމުން ތ. ތިމަރަފުށީގެ އިތުރުން އެއަތޮޅު ވަންދޫ، އޮމަދޫ އަދި ވޭމަންޑޫއަށް ދިއުމަށް ވަނީ ހަމަޖެހިފައެވެ. އެގޮތުން އެރަށްތަކުގެ ރައްޔިތުންގެ ޙާލުބަލާ، ރަށުގެ މުހިއްމު ކަންކަމުގައި ރައްޔިތުންގެ ޚިޔާލު ހުރިނެތްގޮތް އޮޅުންފިލުވާ މަޝްވަރާކުރުމަށް ވަނީ ހަމަޖެހިފައެވެ. އަދި އެރަށްރަށުގެ ކައުސިލްތަކާއި އަންހެނުންގެ ތަރައްޤީއަށް މަސައްކަތަކުރާ ކޮމެޓީތަކާ ބައްދަލުކުރުމަށްވެސް ވަނީ ހަމަޖެހިފައެވެ.
އެމްއެންޕީގެ މެނިފެސްޓޯ އެކުލަވާލުމުގެ މަސައްކަތުގެ ތެރެއިން އެމްއެންޕީގެ ޓީމުން މިދިޔަ ހަފްތާގައި ވަނީ ހުވަދޫ އަތޮޅުގެ 3 ރަށަކަށް ގޮސް ގިނަ ރައްޔިތުންތަކަކާ ބައްދަލުކޮށް، އެރަށްރަށުގެ ބައެއް ކަންކަމުގެ ޙާލަތު ވަޒަން ކުރުމުގެ ގޮތުން ގިނަ ރައްޔިތުންނާ ބައްދަލުކޮށްފައެވެ.
ކޮމެންޓު ފޮނުވާ