ރަންވީރު ސިންގާއި އާލިއާ ބަޓްގެ ފިލްމް "ރޮކީ އޯރް ރާނީ ކީ ޕްރޭމް ކަހާނީ" އަށް ޝަބާނާ އާޒްމީ 10 ކިލޯ ލުއިކޮށްލައިފިއެވެ.
ޝަބާނާ މި ފިލްމުގައި ފެނިގެން ދަނީ އާލިއާގެ މާމަގެ ރޯލުންނެވެ. ޝަބާނާގެ އިތުން ދުވަސްވީ ތަރިން ކަމުގައިވާ ޖަޔާ ބައްޗަން އާއި ދަރްމިންދްރާ ވެސް މި ފިލްމުން މުހިންމު ރޯލުތަކުން ފެނިގެން ދާނެއެވެ.
After 7 years, it gives me such joy & gratitude to be here and announcing that my next #RockyAurRaniKiPremKahani, a love story at its heart with the soul of family values – is releasing on 10th February, 2023. pic.twitter.com/jiSKI3Xdta
— Karan Johar (@karanjohar) November 29, 2021
ގިނަ ދުވަސްތަކަކަށް ފަހު ޑައިރެކްޝަނަށް ކަރަން ޖޯހަރު އެނބުރި އަންނަ މި ފިލްމަކީ ތިނެސްކަން ލޯބީގެ ވާހަކައެކެވެ. ނަމަވެސް ފިލްމު ހާއްސަ ވަނީ މި ފިލްމުން ދުވަސްވީ ތިން މީހެއްގެ ލަވް ޓްރޭންގަލް ފެނިގެން ދާތީއެވެ.
ތިނެސްކަން ލޯބީގެ ވާހަކަތަކަށް ބޮލީވުޑްގައި ގިނަ ފިލްމްތަކެއް ހަދާފައި އެބަހުއްޓެވެ. ނަމަވެސް އާންމުކޮށް ފެންނަނީ މި ފަދަ ފިލްމްތަކުން ޒުވާން ޖޯޑުތަކެވެ.
View this post on Instagram
މި ފިލްމަށް ޝަބާނާ 10 ކިލޯ ލުއި ކުރަންޖެހުނީ އޭނާ ކުޅޭ ރޯލުގެ ގޮތުން ކަމަށް ވެއެވެ. ޝަބާނާ މި ފިލްމް ގައި އާލިއާގެ މާމަގެ ރޯލު ކުޅޭއިރު ޖަޔާ މި ފިލްމުން ރަންވީރުގެ މާމަގެ ރޯލުން ފެނިގެންދާނެ ކަމަށް ރިޕޯޓްތައް ބުނެއެވެ.
ސަަައިފް އަލީ ޚާނާއި އަމްރީތާގެ ފިރިހެން ދަރިފުޅު އިބްރާހިމް އަލީ ޚާން އެސިސްޓެންޓް ޑައިރެކްޓަރެއްގެ ގޮތުގައި މަސައްކަތް ކުރާ މި ފިލްމު ނެރުމަށް ތާވަލު ކޮށްފައިވަނީ 10 ފެބްރުއަރީ 2023 ގައެވެ.
