އަހަރީފީ ނުދައްކައިގެން އުވާލާ ކުންފުނިތަކުގެ ލިސްޓުގައި ރާއްޖޭގެ އެންމެ ބޮޑު އެއް ކުންފުނި އައިލެންޑް އޭވިއޭޝަން ހިމައިފައިފިއެވެ.
އިއްޔެ އިކޮނޮމިކް މިނިސްޓްރީން އާންމު ކުރި ލިސްޓުގައި އަހަރީފީ ނުދައްކާ 3،967 ކުންފުންޏެއް އުވާލުމަށް ނިންމާފައިވާ ކަމަށެވެ. އުވާލުމަށް ނިންމާފައިވާ ލިސްޓުގައި ހިމެނޭ އެއްވެސް ކުންފުންޏެއް ހިންގުމަށް ބޭނުންވާނަމަ އެކުންފުންޏަކުން ފުރިހަމަ ކުރަންޖެހޭ ހުރިހާ އިލްތިމާޒްތަކެއް ފުރިހަމަ ކުރުމަށްފަހު އަންނަ އަހަރުގެ ޖެނުއަރީ 31ގެ ކުރިން އެކަން އަންގައިދޭ ލިޔެކިޔުންތަކާއެކު ކުންފުނި ހިންގަން ބޭނުންވާކަން އަންގައި އެ މިނިސްޓްރީގެ ބިޒްނަަސް ޕޯޓަލް މެދުވެރިކޮށް ހުށަހެޅުމަށްވެސް މިނިސްޓްރީން މިހާރުވަނީ އަންގާފައެވެ.
އުވާލަން ކަނޑައަޅާފައިވާ ލިސްޓުގެ 1754 ވަނާގައި އައިލެންޑް އޭވިއޭޝަންގެ ނަން ހިމަނާފައިވެއެވެ. މިކަމާއި ގުޅިގެން ކުރީގެ ޕްރޮސެކިއުޓަރ ޖެނެރަލް އަހުމަދު މުއިއްޒުވެސް ވަނީ އައިލެންޑް އޭވިއޭޝަންގެ ނަން މިލިސްޓުގައި އޮތުމުން އެއީ އޮޅުމަކުން ވީކަމެއްތޯ ސުވާލު އުފައްދާފައެވެ.
Aharee fee nudhakkaigen uvaalaa kunfuni thakuge list iyye gazette kuri iru, eyge thereygai “Island Aviation Services Ltd” himeney! Mee olhumehbaa?! @MaldivianAero pic.twitter.com/TvhMQlJcFH
— Ahmed Muizzu (@AhmedMuizzu) December 2, 2021
މިނިސްޓްރީގައި މިހާރުވެސް 18،000ށްވުރެ ގިނަ ކުންފުނި ވަނީ ރަޖިސްޓްރީ ކޮށްފައެވެ. ދާދީ ފަހުން އަމިއްލަ ފަރުދުންގެ ވިޔަފާރީގެ ގާނޫނަށް ގެނެވުނު އިސްލާހާއެކު ކުންފުނީގެ ރަޖިސްޓްރީ އައު ކުރުމަށްޓަކައި ވިޔަފާރި ކުރިއަށްގެންދަން ބޭނުންވާ ފަރާތުން ރަޖިސްޓްރީ އައުކުރުމަށް، މުއްދަތު ހަމަވުމުގެ އެއް އަހަރުގެ ކުރިން ހުށަހަޅަން ޖެހެއެވެ. އަދި ހަމަ މިއާއެކު ބިދޭސީން ނިވައިފަތްގަނޑަކަށްވެގެން ވިޔަަފާރިކުރާނަމަ އެ ވިޔަފާރިއެއް ބާތިލް ކުރުމުގެ ބާރުވެސް ރެޖިސްޓްރާ އޮފް ކޮމްޕެނީސް އަށް ލިބިގެންވެއެވެ.
