އިންޑިއާ އިން ދިވެހިރާއްޖެއަށް ކަނޑައެޅުއްވި އާ ސަފީރު މުނޫ މަހާވަރު ރަސްމީކޮށް އެ މަގާމަށް އައްޔަންކުރައްވާ އޭނާ އަށް ސަފީރު ކަމުގެ ފަތްކޮޅު އަރުވައިފިއެވެ.
އިންޑިއާގެ ރައީސްގެ ރިޔާސީގަނޑުވަރު، ރާސްތުރަޕަތީ ބަވަންގައި މިއަދު ބޭއްވި ރަސްމިއްޔާތެއްގައި ސަފީރު މުނޫ އަށް މަގާމުގެ ފަތްކޮޅު އެރުވީ އިންޑިއާގެ ރައީސް ރާމް ނާތު ކޮވިންދުއެވެ.
އިންޑިއާއިން ރާއްޖެއަށް އާ ސަފީރެއް ކަނޑައެޅީ އެ މަގާމުގައި ހުންނެވި ސަންޖޭ ސުދީރު އިންޑިއާ އިން ޔުނައިޓެޑް އަރަބް އެމިރޭޓްސް (ޔޫއޭއީ) އަށް ކަނޑައަޅާ ސަފީރުގެ މަގާމަށް އައްޔަން ކުރަން ނިންމުމުންނެވެ. ރާއްޖޭގައި ހުންނަވާ އިންޑިއާގެ ސަފީރުކަމާ އޭނާ ހަވާލުވެ ވަޑައިގަތީ މާޗް، 2019 ގައެވެ. ބައެއް ގައުމުތަކުގައި ހުންނަ އިންޑިއާގެ ހައިކޮމިޝަން ތަކުގައި މީގެކުރިން މަސައްކަތް ކުރައްވާފައިވާ މުނޫ މަހާވަރު އޮމާންގެ ސަފީރު ކަމާ ހަވާލުވެވަޑައިގަތީ އޮގަސްޓް 21، 2018 ގައެވެ.
A great honour and privilege to call on Hon'ble Rashtrapatiji and receive the Letter of Credence for my appointment as High Commissioner of India to the Republic of Maldives. I am deeply grateful for his insights and guidance. pic.twitter.com/y534fI9WI7
— Amb Munu Mahawar (@AmbMunu) November 5, 2021
މި ސަރުކާރުގައި އިންޑިއާ އާއި ރާއްޖޭގެ ގުޅުން ވަރަށް ބޮޑަށް ވަނީ ބަދަހިވެފަ އެވެ. އެގޮތުން އެކި މަޝްރޫއުުތަކަށް އިންޑިއާއިން ދަނީ އެހީވަމުންނެވެ. މި ސަރުކާރުގެ ބޮޑު މަޝްރޫއު ކަމަށްވާ މާލެ އާއި ވިލިމާލެ އަދި ތިލަފުށްޓާއި ގުޅީފަޅު ގުޅުވާލުމުގެ މަޝްރޫއު ވެސް ހިންގަނީ އިންޑިއާ ސަރުކާރުގެ އެހީގައެވެ. އިންޑިއާއާއިއެކު ސަރުކާރުން އަޑި ނޭގޭ ސިއްރު އެއްބަސްވުން ހަދާކަމަށްވުނެ އިދިކޮޅު ފަރާތްތަކުން ދަނީ ހުއްޓުމެއްނެތި މުޒާހަރާ ކުރަމުންނެވެ. އަދި ރާއްޖޭގައި ތިބި އިންޑިޔާގެ މިލިޓަރީ ސިފައިން ބޭރު ކުރުމަށް ޚާއްސަ ޕެޓިޝަނެއްވެސް ދަނީ ހަދަމުންނެވެ.
ކޮމެންޓު ފޮނުވާ