ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)ގެ އަމިއްލަ ވޯކްޝޮޕް، ސްޓެވޯއިން އެސެމްބަލްކުރާ ސްޓެވޯ ބްރޭންޑުގެ ޖަނަރޭޓަރުތަކުގެ އާމޮޑެލްއެއް އެސެމްބަލްކޮށް، ބާޒާރަށް ނެރެން ތައްޔާރުވެއްޖެއެވެ.
ސްޓެވޯ އިން އެސްޓީޑަބްލިޔުގެ ތިން މޮޑަލްއެއްގެ ޖަނަރޭޓަރު ސެޓް ރާއްޖޭގެ ބާޒާރަށް ވަނީ ތައާރަފުކޮށްފައެވެ. އެއީ STW300، STW600 އަދި STW800 އެވެ. އެ ޖަނަރޭޓަރު މިހާރު ވަނީ ވ. ތިނަދުއަށް ފޮނުވާލަން ތައްޔާރުވެފައި ކަމަށް އެ ކުންފުނިން ބުނެއެވެ.
މިކުންފުނިން އެސެމްބަލް ކުރާ ސްޓެވޯ ބްރޭންޑްގެ ޖަނަރޭޓަރުގެ STW500 މޮޑެލްގެ ފުރަތަމަ ޖަނަރޭޓަރުގެ ލޯޑް އަދި ފަންކްޝަން ޓެސްޓް ހަދާނިމި، މިހާރު ވަނީ ވ. ތިނަދޫއަށް ފޮނުވާލުމަށްޓަކައި ތައްޔާރު ކުރެވިފައި. pic.twitter.com/dvgiyJJFIY
— STELCO (@STELCOMALDIVES) November 1, 2021
ސްޓޭލްކޯއިން ވަނީ މި މޮޑެލްތަކުގެ ޖަނަރޭޓަރު ސެޓްތަކަށް އޯޑަރު ދިނުމުގެ ފުރުސަތު ހުޅުވާލާފައެވެ. އެގޮތުން ކޮންމެ ޖަނަރޭޓަރު ސެޓަކަަށްވެސް، ލޯކަލް ވޮރަންޓީއާއި، އާފްޓަރސޭލްސް ސާވިސްގެ އިތުރުން ކަސްޓަަމަރުން ބޭނުންވެއްޖެ ހިނދެއްގައި އިންސްޓޯލް ކޮށްދިނުމުގެ ހިދުމަތްވެސް ސްޓެވޯއިން ފޯރުކޮށްދޭނެ ކަމަށް އެ ކުންފުނިން ބުނެއެވެ.
ސްޓެލްކޯ އިން ހަކަތަ އުފައްދާ ސިސްޓަމްތަކުގެ ސިނާއަތަށް ނުކުމެ، އެކުންފުނީގެ ވޯކްޝޮޕް ހުޅުވީ މިމަހުގެ ހަތަރު ވަނަ ދުވަހުއެވެ. އަދި އެތަނުން ޕަވާ ސިސްޓަމް ޑިޒައިން ކުރުމާއި ޕަވާ ޖަނަރޭޓަރު ސާވިސަސް އަދި ޖަނަރޭޓާ އެސެމްބްލި ހިދުމަތުގެ އިތުރުން، ޖަނަރޭޓަރު ސާވިސަސްގެ ހިދުމަތް ލިބެއެވެ.
ކޮމެންޓު ފޮނުވާ