އަލްގައިދާނެ އިސްފަރާތެއް ކަމުގައިވާ އަބުދުލް ހާމިދު އަލް މަތާރު، ހުކުރު ދުވަހު ދިން ޑްރޯން ހަމަލާއެއްގައި ސީރިއާގައި މަރާލައިފިކަމަށް އެމެރިކާގެ ސެނންޓްރަލް ކޮމާންޑުގެ ތަރުޖަމާން ވިދާޅުވެއްޖެއެވެ.
"ޓެރަރިސްޓު ޖަމާއަތުގެ އިސްފަރާތެއްކަމުގައިވާ މި މީހާ މަރާލެވުމުން، މި ޖަމާއަތުން ދުނިޔޭގެ އެކި ކަންކޮޅުތަކުގައި އެމެރިކާގެ ރައްޔިތުންނަށާއި، އަހަރެމެންގެ ބައިވެރިންނަށާއި އަދި ކުށެއްނެތް އެތަކެއް ރައްޔިތުންނަކަށް އަމާޒުކޮށް ޓެރަރިސްޓް ހަމަލާ ދިނުމަށް ކުރަމުންދާ މަސައްކަތްތަކަށް ހީނަރުކަމެއް އަންނާނެ،" އެމެރިކާގެ އާރމީ މޭޖަރ ޖޯން ރިގްސްބީ ނެރުއްވާފައިވާ ބަޔާނެއްގައި ވިދާޅުވެފައި ވެއެވެ.
އެމެރިކާގެ މި ޑްރޯން ހަމަލާ އައިސްފައި މިވަނީ، ސީރިއާގެ ދެކުނުގެ ރަށް ބޭރުގައި އެމެރިކާއިން ގާއިމް ކޮށްފައިވާ އަސްކަރީ ޕޯސްޓަކަށް ހަގުރާމަވެރިންގެ ހަމަލާތަކެއް އަމާޒުވެގެން ގޮސްފައި ވަނިކޮށެވެ.
އެހެންނަމަވެސް އެމެރިކާގެ ޑްރޯން ހަމަލާއަކީ، ހަގުރާމަވެރިންގެ ހަމަލާތަކުގެ ބަދަލު ހިފުމުގެ ގޮތުން ދީފައިވާ ހަމަލާތަކެއް ކަމެއް ރިގްސްބީ ބަޔާނުގައި ފާހަގަ ކޮށްފައެއް ނުވެއެވެ.
