ޖަލުތަކުގައި ބައިތިއްބާފައިވާ މީހުންނަށް އަވަސްހައްލެއް ހޯދައި ދިނުމަށް ހިއުމަން ރައިޓް ކޮމިޝަން އޮފަދަ މޯލްޑިވްސް (އެޗްއާރުސީއެމް) އިން ހޯމް މިނިސްޓަރ އިމްރާން އަބްދުﷲ ކިބައިން އެދިވަޑައިގެންފިއެވެ.
ޖަލުގައި ތިބި މީހުންނަށް ދިމާވެފައިވާ ޖާގައިގެން ދަތިކަމަށް އަވަސް ހައްލެއް ހޯދައި ދިނުމަށް ހޯމް މިނިސްޓަރާއިއެކު މިއަދު ބޭއްވި ބައްދަލުވުމަށްފަހު އެޗްއާރުސީއެމް އިން ވިދާޅުވީ މިނިސްޓްރީން ޖަލުގައި ދިމާވެފައިވާ މައްސަލަ ހައްލުކުރުމަށް ގިނަ މަސައްކަތްތަކެއް ކުރަމުންދާކަމަށެވެ. ނަމަވެސް މިހާރު ޖަލުގެ ޖާގައިގެ ދަތިކަން އޮތް މިންވަރަށް ބަލާއިރު އަވަސް ހައްލުތަކެއް ހޯދުމަކީ މުހިންމު ކަމަކަށްވާތީ އެޗްއާރުސީއެމްއިން ވަނީ ޖާގައިގެ ދަތިކަމަށް އަވަސް ހައްލެއް ހޯދައި ދިނުމަށް މިނިސްޓަރުގެ ކިބައިން އެދިވަޑައިގެންފައެވެ.
Jalu thakaai bandhugai meehun baithibba than thanah dhimavefaiva jagaige dhathikan hallu kuran Ministry of Home Affairs in kuramundha masakkai mi Commission in balaigane, mi massaiykaiy avas kurumah Commission in Minister ge arihun edhefi pic.twitter.com/MkIqbplwDZ
— HRC of the Maldives (@hrcmv) November 1, 2020
ރައްޔިތުން މަޖިލީހަށް ހާޒިރުކޮށް ހޯމް މިނިސްޓަރ އިމްރާނާއި ކުރެވުނު ސުވާލުތަކަށް ޖަވާބު ދެއްވުމުގެ ތެރޭގައި ވިދާޅުވީ ޖަލުތަކުގެ ޖާގައަށްވުރެ 340 ގައިދީ އިތުރަށް ތިބި ކަމަށާއި އެއީ ޖާގައަށް ވުރެ 30 ޕަސެންޓް އިތުރުވުމެއް ކަމަށެވެ.
އިމްރާން ވިދާޅުވި ގޮތުގައި ޖަލުތަކުގައި މިހާރު ވެސް 1700 އެއްހާ ގައިދީން އެބަތިއްބެވެ. އޭގެ ތެރެއިން ކަރެކްޝަން ސާވިސްގެ ދަށުގައި ވަނީ 1360 ޖާގަ އެވެ.
މިނިސްޓަރު ވިދާޅުވި ގޮތުގައި މިހާރު ކޯޓުތަކުގައި ހިނގަމުންދާ މައްސަލަތަކުގެ 10 ޕަސެންޓް މީހުނަށް ހުކުމް ކޮށްފި ނަމަ އިތުރަށް 400 އެއްހާ ގައިދީން ޖަލަށް ދާން ޖެހި، ގައިދީން ބަލަަހައްޓާނެ އިތުރު ގޮތެއް ހޯދަން ޖެހޭނެ ކަމަށެވެ.
ކޮމެންޓު ފޮނުވާ