ނާއިބް ރައީސް ފައިސަލް ނަސީމަށް ހޮސްޕިޓަލުގައި އެޑްމިޓްކޮށްގެން ފަރުވާދޭން ފަށައިފިއެވެ.
މައުލޫމާތު ލިބިފައިވާ ގޮތުގައި ނާއިބް ރައީސް އާލާސްކަންފުޅާ އުޅުއްވާ ދެ ދުވަހެއް ވަރު ވަނީ ވެފައެވެ. އަދި ނާއިބް ރައީސް އެޑްމިޓްކޮށްފައިވަނީ ހުން މާބޮޑަށް ގަދަވުމުންކަމަށް މައުލޫމާތު ލިބިފައިވެއެވެ.
ރައީސުލްޖުމްހޫރިއްޔާގެ އޮފީހުގެ ތަރުޖަމާން މުހައްމަދު މަބުރޫކް އަޒީޒު ވިދާޅުވީ ހާލުކޮޅު ދެރަވެ ނާއިބު ރައީސް ފައިސަލް ނަސީމް ދަރުމަވަންތަ ހޮސްޕިޓަލްގައި އެޑްމިޓްކޮށް ފަރުވާ ދެމުންދާ ކަމަށެވެ. މަބުރޫކް ވިދާޅުވި ގޮތުގައި ފައިސަލްގެ ހާލުކޮޅު "ސްޓޭބަލް" އެވެ.
VP @FaisalNasym has fallen ill and is now being treated at the Dharumavantha Hospital.
He is in stable condition.
May Allah grant him a speedy recovery.
— Mabrook Azeez (@MvSpokesperson) October 5, 2021
މީގެ ކުރިންވެސް ނާއިބް ރައީސަށް ވަނީ ހޮސްޕިޓަލުގައި އެޑްމިޓްކޮށްގެން ފަރުވާ ދީފައެވެ. އެފަހަރުވެސް ހުން މާބޮޑަށް ގަދަވުމުން ފަރުވާ ދިނުމަށްފަހު ފަހުން ވަނީ ގެކޮޅަށް ބަދަލުކޮށްފައެވެ.
