ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ދިން ނުރައްކާތެރި ބޮމުގެ ހަމަލާއާއި ގުޅިގެން ރައީސް ނަޝީދުގެ ބަޔާންނެގުމަށް ކަމާގުޅުންހުރި ފަރާތްތަކުން އިނގިރޭސި ވިލާތަށް ވަޑައިގަންނަވަން ޖެހޭކަމަށް ދެކެވަޑައިނުގަންނަވާކަމަށް އެމަނިކުފާނު ވިދާޅުވެއްޖެއެވެ.
ރައިސް ނަޝީދުގެ ބަޔާން ނެގުމަށް އިނގިރޭސިވިލާތަށް ދައުކަތުގެ ޓީމެއް ވަޑައިގަންނަވަން އުޅުއްވާކަމަށް ހާމަވުމާއެކު ގިނަ ބައެއްގެ ފާޑުކިޔުން ވަނީ އަމާޒުވެފައެވެ. ޚާއްޞަކޮށް ދައުލަތުން ބޭސްފަރުވާއަށް ބޮޑު ޚަރަދެއްކުރާއިރު، އަނެއްކާވެސް ބަޔާނެއް ނެގުމަށް ދައުލަތުން ޓީމެއް ވަޑައިގަންނަވާއިރު މިއި ދައުލަތުން ކޮންމެހެން ކުރަންޖެހޭ ޚަރަދެއްތޯ ބައެއް ފަރާތްތަކުން ދަނީ ސުވާލުކުރައްމުންނެވެ.
މިކަމާއި ގުޅިގެން ރައީސް ނަޝީދު ވިދާޅުވީ، އެމަނިކުފާނުގެ ބަޔާނެއް ނެގުމަށް ބަޔަކު އިނގިރޭސިވިލާތަށް ދާންޖެހޭ ސަބަބެއް ދެކެވަޑައިނުގަންނަވާކަމަށެވެ.
މިއީ އަޅުގަނޑުގެ މައްޗަށް އުފުލޭ ދައުވާއެއް ނޫން. އެހެނަސް މޯލްޑިވްސް ޕޮލިސް ސާރވިސް އިން ޔޫކޭގެ އިދާރާތަކާއި މަޝްވަރާކުރުމަކީ ބޭނުންތެރިކަމެއްކަމަށް ދެކެން.
– ރައީސް މުޙައްމަދު ނަޝީދު
Alhugaduge bayaaneh negumah bayaku anaan jehey sababeh nufeney. Miee alhugaduge mahchah ufuley dhauva eh noon. Ehenas MPS in UK ge idhaarathakai mashvara kurumakee beynuntheri kamehkamah dheken.
— Mohamed Nasheed (@MohamedNasheed) September 4, 2021
ބަޔާން ނަގަން އިނގިރޭސިވިލާތަށް ޓީމެއް ދިއުމާއި ގުޅޭގޮތުން ރައީސް ނަޝީދުގެ ކޮއްކޯފުޅު އަދި އެމަނިކުފާނުގެ ޤާނޫނި ވަކީލް ނާޒިމް ސައްޠާރުވެސް ވިދާޅުވީ ބަޔާން ނެގުމަށް ކޮންމެހެން އިނގިރޭސިވިލާތަށް ވަޑައިގަންވަން ޖެހޭކަމަށް ދެކެވަޑައިނުގަންނަވާކަމަށެވެ.
I also don’t think they need to go to uk for this
— Nazim Sattar (@nazimsat) September 4, 2021
ރައީސް ނަޝީދު މިވަގުތު ހުންނެވީ ފަރުވާއަށް އިނގިރޭސި ވިލާތުގައެވެ. އެމަނިކުފާނުގެ ޤާނޫނީ ޓީމުން ނެރުނު ބަޔާނެއްގަިއ ބުނެފައިވަނީ ރައީސް ނަޝީދުގެ މިމައްސަލައިގެ ޝަރީއަތް ފެށުމުގެ ކުރިން ބަޔާން ދެއްވަން ތައްޔާރަށް ހުންނެވިކަމަށެވެ. މިހަމަލާ ހިނގަދިޔަ ގޮތާއި، ލިބިވަޑައިގެންފައިވާ މައުލޫމާތުގެ އަލީގައި ރައީސް ނަޝީދުގެ ބަޔާނެއް ދެއްވަން ބޭނުންވާކަމަށް ވަނީ ބުނެފައެވެ.
ރައީސް ނަޝީދު ބަޔާން ދެއްވަން ބޭނުން ވުމުން، ފުލުހުންނާއި ޕީޖީވަނީ ބަޔާން ނެގުމަށް އެނގިރޭސިވިލާތަށް ދިއުމަށް މަޝްވަރާކޮށްފައެވެ. އަދި މިކަމުގައި ވަރަށް އަވަހަށް ރައީސް ނަޝީދު ބަޔާން ނެގުމަށް ތަހުގީގު ޓީމެއް އިނގިރޭސި ވިލާތަށް ދިއުމަށް ވަނީ ހަމަޖެހިފައެވެ. ނަމަވެސް ދަތުރު ކުރަން ހަމަޖެހިފައިވާ ސީދާ ތާރީހެއް ސާފެއް ނުވެއެވެ.
