ރައީސް އިބްރާހިމް މުހައްމަދު ޞާލިހުގެ ވެރިކަން ދެބައި ވެފައިވާއިރު، ވެރިކަމަށް އައުމަށް ވެފައިވާ ވައުދުތަކުގެ ތެރެއިން ތަރައްޤީގެ ގިނަ މަޝްރޫޢުތަކެއް ނިމެމުންދާކަމުގައި އާރުޑީސީގެ މެނޭޖިންގ ޑިރެކްޓަރ މޫސާ އަލި މަނިކު (މޫކޭ) ވިދާޅުވެއްޖެއެވެ.
އޭނާ މިހެން ވިދާޅުވީ ރާއްޖޭގެ އެކި ކަންކޮޅުތަކުގައި މިހާރުވެސް ކުރިއަށްދާ މަޝްރޫޢުތަކުގެ ބޮޑުބައި ނިމި، ހުޅުވުމާއި ކައިރިވެފައިވާތީ އެކަން ފާހަގަކޮށް ކުރެއްވި ޓްވީޓުގައެވެ. އޭނާ އުފަންރަށް ރ.މަޑުއްވަރީގެ ސްކޫލުގެ މަލްޓިޕާޕަސް ހޯލާއި، 8 ކްލާސްރޫމުގެ މަސައްކަތް ނިމި، އިމާރާތުގެ ފޮޓޯއާއިއެކު ކުރެއްވި ޓްވީޓުގައި މޫކޭ ވިދާޅުވީ ދައުރު ދެބައިވާއިރު، ގިނަ މަޝްރޫޢުތައް ނިމިގެންދާކަމީ ރައްޔިތުންނަށް އޮތް އެންމެބޮޑު ހިތްހަމަ ޖެހުންކަމަށެވެ.
ރ.މަޑުއްވަރި މަލްޓި ޕާޕަސް ހޯލް އަދި 8 ކްލާސް ރޫމް އިމާރާތް. ހުރިހާ މަސައްކަތްތައް ނިމި އިންސްޕެކްޝަން ހެދުމުގެ މަރުހަލާގައި. ދައުރު ދެބައިވީ އިރު ތަރައްޤީގެ ގިނަ މަޝްރޫޢުތަކެއް ނިމިގެން ދާކަމީ ރައްޔިތުންނަށް ލިބޭ އުފަލެއް.
– މޫކޭ ވިދާޅުވިއެވެ.
ރ.މަޑުއްވަރި މަލްޓި ޕާޕަސް ހޯލް އަދި 8 ކްލާސް ރޫމް އިމާރާތް. ހުރިހާ މަސައްކަތްތައް ނިމި އިންސްޕެކްޝަން ހެދުމުގެ މަރުހަލާގައި. ދައުރު ދެބައިވީ އިރު ތަރައްޤީގެ ގިނަ މަޝްރޫޢުތަކެއް ނިމިގެން ދާކަމީ ރައްޔިތުންނަށް ލިބޭ އުފަލެއް.#ރަނުންރަނަށް#އޯގާތެރިސަރުކާރު#ރައްޔިތުންގެރައީސް pic.twitter.com/QI4PgK5T3D
— Moosa Ali Manik ?? (@VMookey) August 27, 2021
ކޯވިޑާއެކުވެސް ތަރައްޤީގެ މަޝްރޫޢުތަކުގެ މަސައްކަތްތައް ހުއްޓާނުލައި ކުރިއަށްދާކަމަށް ސަރުކާރުންވެސް ވަނީ ހާމަ ކުރައްވާފައެވެ. އެގޮތުން މިވަގުތުވެސް 1،500އަށްވުރެ ގިނަ މަޝްރޫޢުގެ މަސައްކަތް ކުރިއަށްދާކަމަށް ރައީސުލްޖުމްހޫރިއްޔާގެ އޮފީހުގެ ތަރުޖަމާނު މުޙައްމަދު މަބްރޫކް އަޒީޒްވަނީ ވިދާޅުވެފައެވެ.
ރައީސް އިބްރާހިމް މުހައްމަދު ސާލިހުގެ ސަރުކާރުން ފަށާފައިވާ ފެނާއި ނަރުދަމާއާއި ގުޅުންހުރި ގިނަ މަޝްރޫޢުތަކެއް އަންނަ އަހަރުގެ މެދުތެރޭ ނިމި، ރައްޔިތުންނަށް ޚިދުމަތްދޭން ފެށޭވަރުވާނެކަމަށް ސަރުކާރުން ވަނީ ހާމަކޮށްފައެވެ. އަދި މިދިޔަ ހަފްތާގައިވަނީ ތިލަމާލެ ބްރިޖްގެ މަޝްރޫޢުގައި ސޮއިކޮށްފައެވެ. މިމަޝްރޫޢުގެ މަސައްކަތްވެސް ދާދި އަވަހަށް ފެށިގެންދާނެކަމަށް ސަރުކާރުން ވަނީ ބުނެފައެވެ.
ކޮމެންޓު ފޮނުވާ