ބަރުލަމާނީގައި ވަޒީރުންނަކީ މަޖިލިސް މެމްބަރުން، ކަމަށާއި، އެއާއިއެކު މަޖިލިސް ތެރެއިން ނެގޭ ވޯޓުތައް ވޯޓު ވިއްކުމުގެ ފުރުސަތު ކުޑަވެގެންދާނެކަމަށް މަޖިލިސް ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދުގެ އެލެކްސް އެކައުންޓުން ކުރެއްވި ޓްވީޓުގައި ވިދާޅުވީ ބަރުލަމާނީ ނިޒާމަކީ ވައްކަން ކުރުމަށް އެންމެ ފުރުސަތު ކުޑަ ނިޒާމުކަމަށެވެ. މިހާރު އޮތް އެންމެ ބޮޑު ނުރައްކަލަކީ މެމްބަރުން ވޯޓު ވިއްކުމުގެ ނުރައްކާ ކަމަށާއި، ބަރުލަމާނީ ނިޒާމުގައި މެމްބަރުންނަކީ ވަޒީރުންނަށް ވުމުން ވޯޓު ވިއްކުމުގެ ފުރުސަތު ކުޑަވެގެން ދާނެކަމަށް ރައީސް ނަޝީދު ވިދާޅުވިއެވެ.
އެމަނިކުފާނު ވިދާޅުވީ، ބަރުލަމާނީ ނިޒާމުގައި ކަންކަމަށް ފާރަވެރިވެ ބެލޭނެ ނިޒާމު އިތުރުވެފައި ބޮޑުކަމަށެވެ. ކޮންމެ ދުވަހަކު ވަޒީރުންނާއި، ބޮޑު ވަޒީރު މަޖިލީހަށް ޖަވާބު ދާރީވެ ވަޑައިގަންނަން ޖެހޭކަމަށް ރައީސް ނަޝީދު ވަނީ ވިދާޅުވެފައެވެ.
ބަރުލަމާނީގައި މެމްބަރުން ތިބޭނީ ވަޒީރުންނަށް، މިހާރަށްވުރެއް ވޯޓު ވިއްކުން މާ ނާދިރުވާނެ. އަބަދުވެސް ވަގުން އުޅޭނެ، މިނިމައިޒް، ކުރެވޭނެ ބަރުލަމަނީގައި. އެއީ ކަންކަން ޓްރާސްޕޭރެންޓް ވެފައި ކޮންމެ ދުވަހަކު ވަޒީރު އަދި ބޮޑު ވަޒީރު މަޖިލިސްގައި ޖަވާބުދާރީ ކުރާތީ.
– ރައީސް ނަޝީދު ވިދާޅުވިއެވެ.
Barulamaanee gai MP thibeynee Vazeerun nah, mihaarah vuren vote vihkun maa naadhiru vaane. Abadhuves vagun ulheyne, minimise kureyveyne Barlamaanee gai. Ey ee kan kan transparent vefai konme dhuvahaku Vazeeru adhi Bodu vazeeru Majlis gai javaab dhaaree kuraathee
— Alex Ahmed (@anedhivehirajje) August 23, 2021
ބަރުލަމާނީ ނިޒާމް ގެންނަން، ގާނޫނު އަސާސީ އިސްލާހު ކުރުމުގެ ކަންކަން އަވަސްކުރުމަށް ގޮވާލައި ރައީސުލްޖުމްހޫރިއްޔާއަށް ހުށައަޅާ ޕެޓިޝަނެއްގައި ސޮއިކުރުމުގެ މަސައްކަތް އެމްޑީޕީގެ އާންމު މެންބަރުންތަކެއް ދަނީ ކުރަމުންނެވެ. މި ޕެޓިޝަން ރައީސުލްޖުމްހޫރިއްޔާގެ އިތުރުން ރައްޔިތުންގެ މަޖިލީހަށްވެސް ހުށައަޅާނެ ކަމަށް މިކަން އިންތިޒާމު ކުރާ ފަރާތުން ބުނެއެވެ.
ރާއްޖޭގައި މިހާރު މިއޮތް ވެރިކަމުގެ ނިޒާމު ބަދަލުކުރެވޭނީ އާންމު ރައްޔިތުންގެ ވޯޓަކުން ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްވަނީ ވިދާޅުވެފައެވެ. 2008 ވަނަ އަހަރު ދިވެހިން ބަލައިގަތް ފެހި ޤާނޫނު އަސާސީއަށް އަމަލުކުރަން ފެށުމުގެ ކުރިން ރާއްޖޭގައި އޮންނަން ބޭނުންވާ ވެރިކަމުގެ ނިޒާމު ކަނޑައެޅުމަށް ނެގި ރައްޔިތުންގެ ފެންނަ ނުފެންނަ ވޯޓުގައި 95،619 މީހުން ވޯޓުދީފައިވަނީ ރާއްޖޭގައި އޮންނަން ފެންނަނީ ރިޔާސީ ނިޒާމުކަމަށެވެ.
ބަރުލަމާނީ ނިޒާމު އޮންނަން ފެންނަކަމަށް ވޯޓުދީފައިވަނީ 58،504 މީހުންނެވެ. މި ވޯޓުގައި 199،841 މީހުން ވޯޓުލުމަށް ރަޖިސްޓްރީކުރިއިރު، ވެރިކަމުގެ ނިޒާމު ކަނޑައެޅުމަށް ވޯޓުދީފައިވަނީ 155،890 މީހުންނެވެ.
ކޮމެންޓު ފޮނުވާ