ތިންވަނަ ޑިވިޝަންގެ ފައިނަލުގެ ފަހު ޖާގަ ބިސް ބުރު ހޯދައިފި

މިހާރު ކުރިޔަށްދާ އެފްއޭއެމް ތިންވަނަ ޑިވިޝަން ފުޓްބޯޅަ މުބާރާތުގެ ފައިނަލުގެ ފަހު ޖާގަ ބިސް ބުރު ހޯދައިފިއެވެ.

ބިސް ބުރު ފައިނަލަށް ދަތުުރުކުރީ ރޭ ކުޅުނު ސެމީ ފައިނަލުގެ ދެވަނަ މެޗުގައި ލިޓްލް ޓައުން ސްޕޯޓްސް (އެލްޓީ) 0-2 ގެ ނަތީޖާއަކުން ބަލިކުރުމަށްފަހުއެވެ.

މި މެޗުގައި ބިސްބުރުން ޖެހި ދެ ލަނޑުވެސް ކާމިޔާބުކުރީ ފުރަތަމަ ހާފުގައެވެ. ފުރަތަމަ ލަނޑު މެޗުގެ 19 ވަނަ މިނިޓުގައި މުހައްމަދު ފައިހާން އިމްރާން ކާމިޔާބު ކޮށްދިންއިރު ދެވަނަ ލަނޑު 42 ވަނަ މިނިޓުގައި ކާމިޔާބު ކޮށްދިނީ މުހައްމަަދު ފާރިޝް ހަސަނެވެ.

މުބާރާތުގެ ފައިނަލުގެ ބިސް ބުރު ވާދަކުރަން ޖެހޭނީ ސެމީ ފައިނަލުގެ ފުރަތަމަ މެޗުގައި ކްލަބް 010 ފަސޭހަކަމާއެކު 1-7 ގެ ނަތީޖާއަކުން ބަލިކޮށް ފައިނަލަށް ދަތުުރުކުރި ބުރު ސްޕޯޓްސް ކްލަބާއި ދެކޮޅަށެވެ.

މި މުބާރާތުުގެ ފައިނަލް މެޗު ކުޅުމަށް ހަމަޖެހިފައިވަނީ އަންނަ ހޯމަ ދުވަހުގެ ރޭ 8:30 ގައި މާފަންނު ޓާފް ދަނޑުގައެވެ.