ދެން އަންނަ ރިޔާސީ އިންތިޚާބެއްގައި އެމްޑީޕީގެ ފަރާތުން އެޕާޓީގެ ރައީސް މުޙައްމަދު ނަޝީދު ނޫން ބޭފުޅަކު ވާދަކޮށްފިނަމަ ރައްޔިތުންގެ ވޯޓް އެމްޑީޕީއަށް ނުލިބޭނެކަމަށް މާފަންނު މެދު ދާއިރާގެ މެންބަރު އިބްރާހީމް ރަޝީދު (ބޮންޑެ) ވިދާޅުވެއްޖެއެވެ.
ރޭ ދިވެހި ޗެނަލްގެ ޕްރޮގްރާމެއްގައި ވާހަކަފުޅު ދައްކަވަމުން ބޮންޑެ ވިދާޅުވީ، ރިޔާސީ އިންތިޚާބުގައި ރައީސް އިބްރާހީމް މުޙައްމަދު ޞާލިޙާއި ރައީސް މުޙައްމަދު ނަޝިދު ވާދަކުރައްވާނަމަ ޕްރައިމަރީއެއް ބާއްވަން ޖެހޭނެކަމަށެވެ. އަދި ޕްރައިމަރީއެއް ނުބާއްވާ އެހެންގޮތަކަށް ަރއީސް ޞާލިޙް އަމަލުކުރައްވާނެކަމަށް ނުބެލެވޭކަމަށާއި، ޕްރައިމަރީން މޮޅުވާ ބޭފުޅެއްގެ ފަހަތުގައި މަސައްކަތްކޮށްގެން ނޫންގޮތަކަށް ކާމިޔާބު ނުވާނެކަމަށެވެ.
ނަމަވެސް ބޮންޑެ ވަނީ އެމްޑީޕީގެ ޓިކެޓްގައި ރައީސް ނަޝިދު ނޫން ބޭފުޅަކު ވާއްދަކުރައްވައިފިނަމަ ރައްޔިތުންގެ ވޯޓު ނުލިބޭނެކަމަށެވެ. އަދި ރައްޔިތުން ވޯޓުލާން ނުވެސް ނުކުންނާނެކަމަށްވެސް ބޮންޑެ ވިދާޅުވިއެވެ.
އެމްޑީޕީއަށް ކާމިޔާބު ލިބޭނީ ރައިސް ނަޝީދު ވާދަކޮށްގެންކަމަށާއި، ރައްޔިތުންގެ އިތުބާރު އޮތީވެސް ރައީސް ނަޝީދަށްކަމަށް ބޮންޑެ ވިދާޅުވިއެވެ.
ޕްރައިމަރީއެއްގައި ރައީސް ނަޝީދު ކާމިޔާބު ކޮށްފިއްޔާ އެމްޑީޕީ ކާމިޔާބުކުރާނެ. ރައީސް ނަޝީދަށް ކާމިޔާބު ނުވެއްޖެނަމަ ދެން އަޅުގަނޑަށް ހީވަނީ އެހެން މީހެއްހެން މިރާއްޖޭގައި ވެރިކަންކުރާނީ..
– އިބްރާހީމް ރަޝީދު
ބޮންޑެ މިހެން ވިދާލުވެފައިވާއިރު، އޭނަ ގެންދަނީ ސަރުކާރަށް ވަރަށް ބޮޑަށް ފާޑުވިދާޅުވަމުންނެވެ. ރައީސް ނަޝީދައި ރައީސް ޞަލިހާއި ދެބޭފުޅުން ޚިޔާލުތަފާތުވެފައިވާއިރު، ރައީސް ނަޝީދު ވަނީ ރައީސް އިބްރާހީމް މުޙައްމަދު ޞާލިޙާއެކު ސިޔާސީ މަސައްކަތް ދެން ނުކުރައްވާނެކަމަށްވެސް ވިދާޅުވެފައެވެ.
ރޭގެ ޕްރޮގްރާމްގައި ބޮންޑެ ވަނީ، ރައީސުލްޖުމްހޫރިއްޔާގެ މަޤާމުގައި ހުންނަވާ ބޭފުޅަކަށް މާބޮޑަށް ސަނާކިޔަން ފަށައިފިނަމަ، ޤައުމާއި ރައްޔިތުން އުޅޭނެކަމަސެވެ. އަދިމިހާރު މިޤައުމަށް ދިމާވެފައިވަނީ އެފަދަ ގޮތެއްކަމަށްވެސް ބޮންޑެ ވިދާޅުވިއެވެ.
One Response
ﷲ ގެ އިރާދަފުޅާއެކު ކުރިޔަށް އޮތް އިންތިހާބުގައި ތިޔަ ރީންދޫ ބައިގަނޑަށް ވެރިކަން ނުލިބިއްޖެއްޔާ ކިތަންމެހާވެސް ރަނގަޅު.