ރޭ މެންދަމު ދިވެހި ކާރު ޑްރައިވަރަކު މަރާލަން އުޅުނު އިންޑިއާ މީހާގެ ބަންދަށް ކޯޓުން 10 ދުވަސް ޖަހާފައިވާ ކަމަށް ފުލުހުން ބުނެފިއެވެ.
ފުލުހުން ބުނީ ހުޅުމާލޭގައި ތެކްސީ ޑްރައިވަރަކަށް އަމާޒުކޮށް ފުރާނައަށް ނުރައްކާވާފަދަ އަމަލެއް ހިންގި މައްސަލައެއް ރޭ 12:33 ހާއިރު ފުލުހުންނަށް ހުށައަޅާފައިވާކަމަށެވެ. މި މައްސަލައިގެ ތުހުމަތުގައި 25 އަހަރުގެ އިންޑިއާ ފިރިހެނަކު ހައްޔަރުކޮށްފައިވާކަމަށް ފުލުހުން ބުންޏެވެ.
ޑްރައިވަރަށް ހަމަލާދިނީ، އެމީހާ ލައިގެން ހުރި ގަމީސް ބޭލުމަށްފަހު ޑްރައިވަރުގެ ކަރުގައި އޮޅާލައިގެންނެވެ. މަންޒަރު ދުށް މީހަކު ބުނީ، ކަރުގައި ގަމީސް އޮޅައި ޑްރައިވަރު މަރާލަން އުޅުމުން ޓެކްސީ ކޮންޓްރޯލްނުވެ ގޮސް އެ މަގުގައި ޕާކް ކޮށްފައިވާ ސައިކަލަކާއި ވޭނެއްގައި ޖެހި ކާރު ހުއްޓުނު ކަމަށެވެ.
ޓެކްސީ ޑްރައިވަރަކު މަރާލާނެކަމަށް އިންޒާރުދިން އިންޑިއާ މީހަކު ހައްޔަރުކޮށްފި
އެމީހާ ފުލުހުންގެ ބެލުމުގެ ދަށަށް ގެންދިޔައިރު މަސްތުގެ ހާލަތުގައި ހުރިކަން ފާހަގަވެފައިވާކަމަށްވެސް ފުލުހުން ބުންޏެވެ. މި މައްސަލަ ތަހުގީގްކުރަމުން އަންނަކަމަށްވެސް ފުލުހުން ވަނީ ބުނެފައެވެ.
