ދިވެހިރާއްޖޭގެ ލޯކަލް މީޑިއާއި އަދި ސޯޝަލް މީޑިއާގައި ބައެއް ފަރާތްތަކުން، ރާއްޖޭގައި ހުންނަ އިންޑިއަން ހައިކޮމިޝަންއާއި، ހައިކޮމިޝަނަރ އަދި ހައިކޮމިޝަންގައި މަސައްކަތްކުރާ ޑިޕްލޮމެޓިކް ސްޓާފުންނާމެދު ނަފްރަތު އުފައްދާ އެފަރާތަތްކުން އަބުރަށް އަރައިގަންނަމުންދާ ކަމުގެ ޝަކުވާ ރާއްޖޭގައި ހުންނަ އިންޑިއާ ހައިކޮމިޝަނުން ފޮރިންގ މިނިސްޓްރީގައި ކޮށްފިއެވެ.

މާލޭގައި ހުންނަ ހައިކޮމިޝަން އޮފް އިންޑިއާއިން ރާއްޖޭގެ ފޮރިންގ މިނިސްޓްރީއަށް ފޮނުވި ޝަކުވާގެ ސިޓީގައި ބަޔާން ކޮށްފައިވާ ގޮތުގައި، ރާއްޖޭގެ ބައެއް މީޑިއާތަކުގައި ޝާއިއު ކޮށްފައިވާ އާރޓިކަލްތަކާއި އަދި ސޯޝަލް މީޑިއާގެ ބައެއް ޕޯސްޓުތައް އަމާޒު ކޮށްފައިވަނީ، ހައިކޮމިޝަންގެ ޑިޕްލޮމެޓިކް މުވައްޒަފުންނާއި ޒާތީގޮތުން ދިމާ ކުރުމުގެ މަގުސަދުގައެވެ.

އަދި، 1961ވަނަ އަހަރު ފާސްކޮށްފައިވާ، ވިއެނާ ކޮންވެންޝަން އޮން ޑިޕްލޮމެޓިކް ރިލޭޝަންގެ 29ވަނަ މާއްދާގައި ވާގޮތުން، ޑިޕްލޮމެޓިކް މުވަޒިފުންނަކީ، އެއްވެސް ހާލަތެއްގައި ހައްޔަރު ނުކުރެވޭނޭ، އަދި މުވައްޒަފުންނަށް ހިމާޔާތާއި ރައްކާތެރިކަން ފޯރުކޮށްދިނުން، އެމުވައްޒަފުން ވަޒީފާ އަދާކުރާ ގައުމެއްގެ ސަރުކާރުގެ މައްޗަށްލާޒިމްވާ ބައެއްކަން ދިވެހި ސަރުކާރަށް ހަނދާން ކޮށްދޭ ކަމަށްވެސް މިސިޓީގައި ބަޔާން ކޮށްފައިވެއެވެ.

މީގެއިތުރުން، ފަހަކަށް އައިސް، މީޑިއާގެ ވަސީލަތްތައް ބޭނުން ކޮށްގެން އިންޑިއާ ހައިކޮމިޝަނަށް އަމާޒުކޮށް ފަތުރަމުންދާ ދޮގު ޚަބަރުތަކާއި، މީޑީއާގެ ވަސީލްތަތަކުގެ ބޭނުންކޮށްގެން މިގޮތުން ކިޔަމުންދާ ފާޑު ކިއުންތަކުގެ މަގުސަދަކީ، ދެ ސަރުކާރުގެ ދެމެދުގައި ނަފްރަތު އުފެއްދުން ކަންވެސް މިސިޓީގައި ފާހަގަ ކޮށްފައި ވެއެވެ. އަދި ވަކީން ޚާއްސަކޮށް ބައެއް ނޫސްތަކުގައި ޝާއިއުކުރަމުންދާ އާޓިކަލްތަކާއި، ރާއްޖޭގެ ސޯޝަލް މީޑިއާގެ ވަސީލަތްތައް ބޭނުންކޮށްގެ ކުރަމުންދާ ބައެއް ޕޯސްޓުތަކުގެ ހަގީގީ ބޭނުމަކީ، މާލޭގައި ހުންނަ އިންޑިއާ ހައިކޮމިޝްނާއި، ހައިކޮމިޝަންގައި މަސައްކަތްކުރާ މުވަޒްފުން ހިމެނޭގޮތުން، އިންޑިއާ ސަރުކާ ދެކޮޅަށް ހަމަނުޖެހުމާއި ނަފްރަތު އުފެއްދުން ކަމަށްވެސް ހައިކޮމިޝަނުން ފޮރިންގ މިނިސްޓްރީއަށް ފޮނުވާފައިވާ ޝަކުވާގެ ސިޓީގައި ބަޔާން ކޮށްފައި ވެއެވެ.

މިސިޓީގައިވާ ގޮތުން، 1961 ވަނަ އަހަރުގެ ވިއެނާ ކޮންވެޝަންގައި، ގައުމުން ބޭރުގެ މިޝަންތަކުގައި މިޝަންތަކުގައި މަސައްކަތްކުރާ މުވައްޒަފުންނަށް ދީފައިވާ "ޑިޕްލޮމެޓިކް އިމިއުނިޓީ" (ހިމާޔަތާއި ރައްކާތެރިކަން)އަކީ، ވަކިވަކި ފަރުންނަށް އޭގެ ފައިދާ ލިބޭގޮތަށް ދީފައިވާ އިމުނިޓީއެއްގެ ބަދަލުގައި، އެއީ ބޭރުގެ ގައުމުތަކުގައި ހުންނަ ޑިޕްލޮމެޓިކް މިޝަންތަކުންގެ މަސައްކަތްތަކަށް ލުއިފަސޭހަކަން ފޯރުކޮށްދީ އަދި އެންމެ ފުރިހަމަ ގޮތުގައި މަސައްކަތް ކުރުމަށް ލިބިދީފައިވާ ހިމާޔަތާކާއި ރައްކާތެރިކަމެކެވެ.

މިގޮތުުން، ހައިކޮމިޝަންއާއި، ހައިކޮމިޝަނަރ އަދި މިޝަންގައި މަސައްކަތް ކުރާ ޑިޕްލޮމެޓިކް މުވައްޒިފުންގެ އަބުރު ކަތިލުމަށް އަމާޒުކޮށް މީޑިއާގެ ވަސީލްތްތައް މެދުވެރިކޮށް ދެމުންދާ ހަމަލާތަކުގެ ސަބަބުން، މިޝަންއިން ކުރަމުންދާ މަސައްކަތްތަކަށް ބުރޫ އެރުމަކީ އެކަށީގެންވާ ކަމެއްކަމުގައި ފާހަގަ ކޮށްފައި ވެއެވެ.

އަދި މީގެ ނަތީޖާއެއްގެ ގޮތުން، ރާއްޖެއާއި އިންޑިއާ ސަރުކާރާ ދެމެދު އޮތް ޒަމާންވީ ރަހުމަތްތެރިކަމުގެ ގުޅުމަށް ބުރޫ އެރުމަކީވެސް އެކަށީގެންވާ ކަމެއްކަމުގައި މި ސިޓީގައި ވިދާޅުވެފައި ވެއެވެ.

އަދި، ވިއެނާ ކޮންވެންޝަންއިން ލިބިދޭ ހިމާޔަތާއި ރައްކާތެރިކަމަށް ރިޢާޔަތްކޮށް މިސިޓީގައި ވާގޮތުން، ރާއްޖޭގެ މީޑިއާގެ ވަސީލަތްތަކުގެ ބޭނުން ކޮށްގެން، ހައިކޮމިޝަނާއި، ހައިކޮމިޝަނަރ އަދި ހައިކޮމިޝަންގައި މަސައްކަތް ކުރާ ޑިޕްލޮމެޓިކް މުވައްޒިފުންގެ އަބުރުކަތިލާ އަދި ނަފްރަތު އުފެއްދުމަށް ކުރެވެމުންދާ މަސައްކަތްތައް ހުއްޓުވުމަށް ޚާއްސަ ފިޔަވަޅުތަކެއް އަޅުއްވާ ދެއްވުމަށް ވެސް ހައި ކޮމިޝަންއިން އެދިފައި ވެއެވެ. މިގޮތުން އެޅުމަށް ހައިކޮމިޝަނުން އެދިފައިވާ ފިޔަވަޅުތައް ތިރީގައި މިވަނީއެވެ.

1. ވިއެނާ ކޮންވެންޝަން (1961)ގެ، ހާލަތާ ގުޅުން ހުރި އެންމެހާ މާއްދާތަކުން، ގައުމުން ބޭރުގެ މިޝަންތަކުގައި ތިބޭ އެންމެހާ މުވައްޒަފުންނަށް ލިބިދޭ ހިމާޔަތާއި ރައްކާތެރިކަން ކަށަވަރު ކޮށްދިނުމާއެކު، ހައިކޮމިޝަގެ އިމާރާތާއި، ހައިކޮމިޝަނަރ ހުންނަވާ ގެކޮޅާއި، އަދި ހައިކޮމިޝަންގައި މަސައްކަތްކުރާ އެންމެ މުވައްޒިފުންނާއި، މުވައްޒިފުން ދިރިއުޅުއްވާ އިމާރާތްތަކުގެ ރައްކާތެރިކަން ކަށަވަރު ކޮށްދިނުން. އަދި މިއިން އެއްވެސް ފަރާތަކަށް އެއްވެސް ބާވަތެއްގެ ހަމަލާއެއް އަމާޒުވެ ނުދިއުން ކަށަވަރު ކޮށްދިނުމުގެ އިތުރުން އެމީހުންގެ މިނިވަންކަމާއި ކަރާމާތައް އެއްވެސް ފަރާތަކަށް އަރައިނުގަނެވޭނެކަން ކަށަވަރު ކޮށްދިނުމާއި، އަދި މާލޭގައި ހުންނަ އިންޑިއާ ހައިކޮމިޝަންގެ މަސައްކަތްތަކަށް ބުރޫ ނާރާނޭކަން، ވިއެނާ ކޮންވެންޝަންގައި ވާގޮތުގެމަތިން ކަށަވަރު ކަށަވަރު ކޮށްދިނުން.
2. ވިއެނާ ކޮންވެންޝައާއި ޚިލާފަށް އަމަލް ކުރަމުންދާ ފަރާތްތަކާ ދެކޮޅަށް، ބައިނަލް އަގުވާމީ ގާނޫނުތަކާއިއި އަދި ދިވެހިރާއްޖޭގެ ގާނޫނުތަކާއި އެއްގޮތްވާ ގޮތުގެމަތިން ފިލަވަޅު އެޅުން.

މާލޭގައި ހުންނަ އިންޑިއާ ހައިކޮމިޝަންއިން ޝަކުވާގެ ސިޓީއެއް ފޮރިންގ މިނިސްޓްރީއަށް ފޮނުއްވާފައިވާއިރު، ފަހަކަށް އައިސް އިންޑިއާއި ދެކޮޅު ޝުޢޫރުތައް ރާއްޖޭގެ އިދިކޮޅު ސިޔާސީ ފަރާތްތަކުން ގަދަ ކޮށްފައިވާކަން ފާހަގަ ކޮށްލެވެއެވެ.

އަދި ޚާއްސަކޮށް އިދިކޮޅު ޚަބަރުތައް ގެނެސްދޭ އޮންލައިން ނޫހެއް ކަމުގައިވާ ދިޔަރެސް ނޫހުގައި، މާލޭގައި ހުންނަ އިންޑިއާގެ ޑެޕިއުޓީ ހައިކޮމިޝަނަރގެ ޒާތީ ބައެއް މައުލޫމާތުތައް ހިމަނައިގެން ޚާއްސަ އާރޓިކަލްއެއް ފާއިތުވެދިޔަ ހަފްތާގައި ލިޔެފައުވާކަންވެސް ފާހަގަ ކޮށްލެވެއެވެ.