އިންޓަ މިލާންގެ ވެރިން އެ ކްލަބްގެ ހަރަދުތައް ކުޑަކޮށް ގިނަ ކުޅުންތެރިންތަކެއް ވިއްކާލަން ނިންމުމާ އެކު އެ ޓީމުގެ ކޯޗުކަމުން ވަކިވި އިޓަލީގެ މަޝްހޫރު ކޯޗު އެންޓޯނިއޯ ކޮންޓޭއަށް ރެއާލް މެޑްރިޑާއި ޓޮޓެންހަމް ހޮޓްސްޕާސްގެ ހުށަހެޅުންތަކެއް ލިބިފައިވާ ކަމަށް މީޑިއާ ރިޕޯޓްތައް ބުނެފިއެވެ.
ކޮންޓޭ ބަދަލުވާނެ ކަމަށް އިޓަލީގެ ގިނަ މީޑިއާ ރިޕޯޓްތައް ބުނަނީ ސްޕެއިނުގެ ރެއާލަށެވެ. ދިހަ އަހަރު ތެރޭ ފުރަތަމަ ފަހަރަށް ރެއާލުން ހުސްއަތާ ސީޒަން ނިންމާލަން ޖެހުމުން ރެއާލްގެ ކޯޗަކަށް ހުރި އެ ކްލަބްގެ ކުރީގެ ކުޅުންތެރިޔާ ޒިނެދިން ޒިދާން ވަނީ މަގާމުން ވަކިވެފައެވެ. އިންޓަ މިލާނަށް 11 އަހަރު ތެރޭ ފުރަތަމަ ފަހަރަށް އިޓާލިއަން ލީގު ޗެމްޕިއަންކަން ހޯދައިދިންތާ މާ ގިނަ ދުވަހެއް ނުވެ ކޮންޓޭ އެ ޓީމު ކޯޗުކަން ދޫކޮށްލީ ސަބަބުތަކާ އެކުއެވެ.
އިންޓަ ހިންގަމުން އަންނަ ޗައިނާގެ ކުންފުނި ސަނިން ހޯލްޑިންގްސް ގްރޫޕުން ކްލަބްގެ ކުޅުންތެރިންތަކެއް ވިއްކާލަން ނިންމުމާ އެކުއެވެ. ކޮންޓޭ އިންޓަ ދޫކޮށްލީ އެ ޓީމާ އެކު ހަދާފައިވާ އެއްބަސްވުމުގައި ބާކީ އަހަރެއް އޮއްވައި ކޮންޓްރެކްޓް އުވާލުމަށް ފަހުއެވެ.
ކޮމެންޓު ފޮނުވާ