މި ސީޒަން ނިމުމުން ރެއާލް މެޑްރިޑް ދޫކޮށްލަން އެ ޓީމުގެ ކޯޗު ޒިނެދިން ޒިދާން ނިންމާފައިވާ ކަމަށް ކުޅިވަރު ހަބަރު ފަތުރާ ވަސީލަތް ތަކުން ރިޕޯޓްކޮށްފި އެވެ.
ޒިދާން އެންމެ ފުރަތަމަ ރެއާލަށް ކޯޗުކަމުން ވަކިވީ 2018 ވަނަ އަހަރު ޖެހިޖެހިގެން ތިން އަހަރު ރެއާލަށް ޗެމްޕިއަންސް ލީގު ހޯދައިދިންތާ މަދު ދުވަސްކޮޅެއްގެ ތެރޭގަ އެވެ. އޭރު ޒިދާން ކުއްލިއަކަށް ރެއާލް ދޫކޮށްލުމުން އެ ކްލަބަށް ގިނަ މައްސަލަތަކެއް ދިމާވެ، އަލުން އޭނާ ގެންނަން އެ ޓީމުން ނިންމީ އެވެ. ޒިދާން ދެ ވަނަ ފަހަރަށް ރެއާލާ ހަވާލުވީ 2019 ވަނަ އަހަރު މާޗް މަހުގަ އެވެ. އެއީ މަގާމު ދޫކޮށްލިތާ އަހަރެއް ވެސް ނުވަނީހެވެ.
ގޯލް އިން ރިޕޯޓްކުރާގޮތުގައި ޒިދާން ވަނީ މި ސީޒަން ނިމުމުން ރެއާލް ދޫކޮށްލަން ނިންމާފައިވާކަން ރެއާލްގެ ކުޅުންތެރިންނަށް އަންގައިފަ އެވެ. ޒިދާން އެކަން ކުޅުންތެރިންނަށް އެންގީ ސްޕެނިޝް ލީގުގައި ދާދި ފަހުން ސެވިއްޔާއާ 2-2 އިން ރެއާލް އެއްވަރުވި މެޗުގަ އެވެ. ޒިދާން ދެ ވަނަ ފަހަރަށް ރެއާލް ދޫކޮށްލަން ނިންމާފައިވާ ކަމަށް މީޑިއާ އިން ކަށަވަރު ކޮށްދީފައިވާއިރު، ރިޕޯޓްތައް ބުނާގޮތުން ޔޫރަޕިއަން ސުޕަ ލީގުގައި ރެއާލް ދެމި އޮންނަން ނިންމި ނިންމުމާ މެދު ޒިދާންގެ ހިިތްހަމަނުޖެހުންތަކެއް އެބަހުއްޓެވެ. ސުޕަ ލީގުގެ ޗެއާމަނީ ރެއާލްގެ ރައީސް ފްލޮރެންޓީނޯ ޕެރޭޒް އެވެ.
މިއީ ކުއްލިގޮތަކަށް ރެއާލް ދޫކޮށްލަން ޒިދާން ނިންމި ދެ ވަނަ ފަހަރެވެ.
ކޮމެންޓު ފޮނުވާ