ނަޕޯލީ ގަދަ ހަތަރެއްގެ އުންމީދު އާކޮށްފި

އިޓާލިއަން ސެރިއާގަ ލާޒިޔޯ ބަލިކޮށް ނަޕޯލީން ލީގުގެ ގަދަހަތަރަކަށް ވަނުމުގެ އުންމީދު އާކޮއްފިއެވެ.

އަމިއްލަ ދަނޑުގައި ކުޅުނު މެޗު ނަޕޯލީން ކާމިޔާބުކުރީ 5-2 ލަނޑުންނެވެ. މި މެޗުގެ ފުރަތަމަ ލަނޑު ޖަހާ ކުރިހޯދީ ނަޕޯލީން. މެޗު ފަށައިގެން 5 ވަނަ މިނިޓުގައި ވީއޭއާރްގެ އެހީގައި ލިބުނު ޕެނެލްޓީ ގޯލްތެރެއަށް ވައްދާލީ ނަޕޯލީގެ ލޮރެންޒޯ އިންސަގީއެވެ. ނަޕޯލީން ލީޑުނެގިތާ ހަމިނުޓު ފަހުން އެޓީމަށް ލީޑްއިތުރަށް ފުޅާކޮއްދިނީ މަޓިއޯ ޕޮލިޓާނޯ ކާމިޔާބުކޮއްދިން ލަނޑުންނެވެ.

މެޗުގައި ދެވަނަ ހާފްގައި ލޮރެންޒޯ އިންސަގީ އިތުރު ލަނޑެއް ޖަހައިފަ ވަނިކޮށް ފަހު ދެލަނޑު އެޓީމަށް ކާމިޔާބުކޮއްދިނީ ރައިސް މާޓިންސް އާއި ވިކްޓޯ އޮސިމެންއެވެ. ލާޒިޔޯ ލަނޑުތައް ކާމިޔާބުކޮށްދިނީ ޗިރޯ އިމޮބިލޭ އާއި މިލްނޮވިޗް ސަވިޗްއެވެ. މި ނަތިޖާ އެކު ލާޒިޔޯ އަށް ވުރެ ދެ ޕޮއިންޓް އިތުރަށް ހޯދައިގެން ނަޕޯލީ އޮތީ ތާވަލުގެ ފަސްވަނައިގަ 60 ޕޮއިންޓާ އެކުއެވެ.

ރޭގައި ލީގުގައި ރޯމާ އާއި އެޓްލާންޓާ ވާދަކުރި މެޗު ނިމުނީ 1-1 ލަނޑުން އެއްވަރުވެގެންނެވެ. މިމެޗުގައި އެޓްލާންޓާގެ ކުޅުންތެރިޔަކާ ރޯމާގެ ކުޅުންތެރިޔަކަށް ވަނީ ރަތްކާޑު ދައްކާފައެވެ. ލީގުގެ އެއްވަނައިގަ މިވަގުތު އިންޓަ މިލާން ލީޑްކުރަމުން ދަނީ 75 ޕޮއިންޓާއެކުއެވެ. ދެވަނާގައިވާ މިލާން ލިބެނީ 66 ޕޮއިންޓެވެ. އެޓްލާންޓާ ތިންވަނައިގަ އޮތީ 64 ޕޮއިންޓް ހޯދައިގެންނެވެ. ހަތަރުވަނާގަ ޔުވެންޓަސް އޮތީ 62 ޕޮއިންޓާއެކުއެވެ.