ޓޭބަލް ޓެނިސް ކުރިއަރުވަން އިންޑިއާ އިން ރާއްޖެ އަށް ކޮށްދޭ ކަންތައްތަކުގެ ތެރެއިން އިންޑިއާގެ އެންމެ މޮޅެތި ކުޅުންތެރިން މުސްތަގުބަލުގައި ރާއްޖޭގައި ޓްރެއިނިން ކޭމްޕް ފުރިހަމަކުރުމުގެ ވިސްނުން އެބަހުރި ކަމަށް އިންޑިއާގެ ޓޭބަލް ޓެނިސް ފެޑެރޭޝަންގެ ރައީސް ޑުޝްޔަންޓް ޗޯޓާލާ ވިދާޅުވެއްޖެއެވެ.
އިންޑިއާގެ ހަރްޔާނާ ސްޓޭޓްގެ ޑެޕިއުޓީ ޗީފް މިނިސްޓަރުގެ މަގާމު ވެސް ފުރުއްވަމުން އަންނަ ޑުޝްޔަންޓް ވިދާޅުވީ ރާއްޖޭގެ ޓީޓީ ކުރެއެެރުވުމަށް އިންޑިއާއާ އެކު ވަކި އެއްބަސްވުމެއްގައި ވަރަށް އަވަހަށް ސޮއިކުރަން އުއްމީދުކުރާ ކަމަށެވެ. ޔޫތު މިނިސްޓަރު މަހުލޫފާއި ކޮމަންވެލްތު އަދި ޓޭބަލް ޓެނިސް އެސޯސިއޭޝަން އޮފް މޯލްޑިވްސް (ޓީޓީއޭއެމް)އާ އެކު ޔޫތު މިނިސްޓްރީގައި ބޭއްވުނު ބައްދަލުވުމުގައި ގިނަ ކަންތައްތަކެއް މަޝްވަރާކުރެވުނު ކަމަށް ޑުޝްޔަންޓް ވިދާޅުވިއެވެ.
ޑުޝްޔަންޓް ވިދާޅުވީ ދާދި ފަހުން ދުނިޔޭގެ ޖޫނިއާ ރޭންކިންގެ އަށް ވަނައިގައި ހިމެނުނު ރާއްޖޭގެ ފާތިމަތު ދީމާ އަލީ ފަދަ ކުޅުންތެރިންނަށް އިތުރު ފުރުސަތުތަކެއް ހޯދައިދިނުން މުހިއްމު ކަމަށާއި އިންޑިއާ އާއި ރާއްޖޭގެ މެދުގައި ކުރިއަށްގެންދާ ޓްރެއިނިން ޕްރޮގްރާމް މެދުވެރިކޮށް އެ ފުރުސަތުތައް ލިބިގެންދާނެ ކަމުގެ އުއްމީދު އެބައޮތް ކަމަށެވެ.
ކޮމެންޓު ފޮނުވާ