އާނަންދް އެލް ރާއީގެ "އަތުރަންގީ ރޭ"ގެ ޝޫޓިންގެ ނިންމާލުމަށްފަހު އަކްޝޭކުމާރް މިހާރު ވަނީ އާ ޕްރޮޖެކްޓެއް ފަށާފަ އެެވެ. އެގޮތުން އަކްޝޭ މިއަދު ވަނީ އޭނާގެ އާ ފިލްމުން އޭނާ ފެނިގެންދާނެ ގޮތް އާންމުކޮށްފަ އެެވެ.
އަކްޝޭ ދެން މަސައްކަތް ފަށާ ފިލްމުން އޭނާ ފެނިގެންދާނީ އާކިއޮލޮޖިސްޓެއްގެ ގޮތުގައެވެ. މި ފިލްމުގެ ނަމަކީ "ރާމް ސޭތޫ"އެވެ. މީސްމީޑިއާގައި އޭނާގެ އާ "ލުކް" ހިއްސާކުރަމުން އަކްޝޭ ބުނެފައިވަނީ މި ފިލްމަކީ އޭނާއަށް ވަރަށް ހާއްސަ ފިލްމެއް ކަމަށެވެ. އަދި އޭނާގެ މި ސްޓައިލާ ދޭތެރޭގައި ބެލުންތެރިން ދެކެނީ ކިހިނެތްތޯ އޭނާ ވަނީ ސުވާލު ކޮށްފަ އެެވެ.
The journey of making one of the most special films for me begins today. #RamSetu shooting begins! Playing an archaeologist in the film. Would love to hear your thoughts on the look? It always matters to me?? @Asli_Jacqueline@Nushrratt@Abundantia_Ent@LycaProductions pic.twitter.com/beI6p0hO0I
— Akshay Kumar (@akshaykumar) March 30, 2021
އެމޭޒަން ޕްރްއިމް ވީޑިއޯގެ މި ފިލްމުގެ ކޯ ޕްރޮޑިއުސަރުންނަކީ ކޭޕް އޮފް ގުޑް ފިލްމްސް، އެބަންޑޭންޓިއާ އެންޓަޓެއިންމަންޓް އަދި ލައިސާ ޕްރޮޑަކްޝަން އެވެ. ރާމް ސޭތޫ ޑައިރެކްޓްކުރަނީ އަބީޝޭކް ޝަރްމާއެވެ. މި ފިލްމަކީ އެކްޝަން އަދި އެޑްވެންޗަރ ފިލްމެކެވެ. އަދި މި ފިލްމުގައި އިންޑިއާގެ ސަގާފަތާއި ތާރީޚުގެ ތެރެއިން ބައެއް ދައްކުވައިދޭނެ އެވެ.
އަކްޝޭގެ އިތުރުން ޖެކޮލިން ފެރްނާންޑޭޒް އާއި ނުޝްރަތު ބަރުއްޗާވެސް މި ފިލްމުން ފެނިގެންދާނެއެވެ.
ކޮމެންޓު ފޮނުވާ